ഹെൽമറ്റ് ധരിച്ചാൽ മുടി പോയി കഷണ്ടിയാവുമെന്ന് പേടിയുണ്ടോ; തലയല്ലേ വലുത്? ഇക്കാര്യങ്ങൾ ശ്രദ്ധിക്കാം

ഇരുചക്രവാഹനങ്ങളിലെ സുരക്ഷിതമായ യാത്രയ്‌ക്ക് അത്യന്താപേക്ഷികമായ ഒന്നാണ് ഹെൽമറ്റ്. എന്നാൽ മുടി കൊഴിഞ്ഞുപോകും സ്‌റ്റെലിന് ചേരില്ല എന്നൊക്കെ പറഞ്ഞ് പലരും ഹെൽമറ്റ് മാറ്റിവെക്കുന്നത് കാണം. എന്നാൽ തലയല്ലേ വലുത് എന്ന ഒറ്റക്കാര്യം ചിന്തിച്ചാൽ നമ്മൾ താനെ ഹെൽമറ്റ് വെയ്‌ക്കും. കൂട്ടത്തിൽ അൽപ്പമൊന്ന് ശ്രദ്ധിച്ചാൽ ഹെൽമറ്റ് കാരണമുണ്ടാകുന്ന മുടികൊഴിച്ചിലിന് പരിഹാരമുണ്ടാക്കാനും സാധിക്കും.

ഏറെ നേരം ഹെൽമറ്റ് ധരിക്കുന്നതിലൂടെ തലയുടെ മുകൾവശം മുഴുവനായി കവർ ചെയ്യുകയാണ്. ഇതു തലയോട്ടിയിലെ വിയർപ്പു വർദ്ധിപ്പിക്കുകയും ഈ നനനവു ശിരോചർമത്തിൽ പൂപ്പലിനും തുടർന്ന് താരനും ചൊറിച്ചിലിനും കാരണമാവുകയാണ് ചെയ്യുന്നത്. അതിനാൽ ഇതിന് പരിഹാരം കാണുകയാണ് വേണ്ടത്.

ഹെൽമറ്റും മുടിയും തമ്മിൽ ഉരസി മുടി കൊഴിച്ചിലുണ്ടാവാതിരിക്കാൻ മുടി തീരെ വരണ്ടാതാകാതിരിക്കാൻ ശ്രദ്ധിക്കുക.ഹെൽമറ്റിനകം എപ്പോഴും വൃത്തിയാക്കി ശുദ്ധവായു ലഭിക്കുന്ന സ്ഥലത്തു വേണം വയ്‌ക്കാൻ, ഇതു അണുബാധ തടയും.

ദൂരയാത്രകൾ പോകുന്നതിനിടയ്‌ക്ക് വണ്ടി നിർത്തി ഹെൽമറ്റ് ഊരിവയ്‌ക്കാം. ഇടവേളകൾ നൽകുന്നത് വിയർപ്പിനെ തടയും.മുടി നനഞ്ഞിരിക്കുമ്പോൾ ഹെൽമെറ്റ് ധരിക്കാതിരിക്കുന്നതാണ് എല്ലായ് പ്പോഴും നല്ലത്.

ചെറുചൂടോടെ എണ്ണ എടുത്ത് തലയോട്ടിൽ നന്നായി തേച്ച് പിടിപ്പിച്ച് മസാജ് ചെയ്യുന്നത് നല്ലതാണ്. ഇത്തരത്തിൽ ആഴ്‌ച്ചയിൽ രണ്ട് ദിവസം ചെയ്യുന്നത് വളരെ നല്ലതാണ്. രക്തോട്ടം കൂട്ടുന്നതിനും മുടി വളരുന്നതിനും മുടി കൊഴിച്ചിൽ നിൽക്കുന്നതിനും ഇത് വളരെയധികം സഹായിക്കുന്നുണ്ട്.