പ്രണയബന്ധം തകർന്നാൽ പലതരത്തിൽ പ്രതികരിക്കുന്നവരുണ്ട്. എല്ലാം മറന്നും പൊറുത്തും മുന്നോട്ടുള്ള ജീവിതം നയിക്കുന്നവരും പ്രതികാരബുദ്ധിയോടെ തന്നെ ഉപേക്ഷിച്ചവരുടെ നാശത്തിനായി പരിശ്രമിക്കുന്നരും നമുക്ക് ചുറ്റിനുമുണ്ട്. അത്തരത്തിലുള്ള നിരവധി പ്രതികാരകഥകൾ നാം വായിക്കാറുണ്ട്.
എന്നാൽ സ്വന്തം കാമുകന് മറ്റൊരു സ്ത്രീയുമായി അടുപ്പമുണ്ടെന്ന് അറിഞ്ഞ ഒരു യുവതി ചെയ്തത് അൽപ്പം കടന്ന കെ ആയിരുന്നു. മദ്യപിച്ച് വീട്ടിലെത്തിയ യുവതി അയാൾ താമസിക്കുന്ന അപ്പാർട്ടമെന്റ് കത്തിച്ച് ചാമ്പലാക്കുകയാണ് ചെയ്തത്. തീ ആളിപ്പടർന്നതോടെ സമീപത്തെ അപ്പാർട്ട്മെന്റുകളിലും നാശനഷ്ടം ഉണ്ടാക്കി. തായ്ലൻഡിലാണ് ഈ സംഭവം നടന്നത്.
ഡോൺലയ നലീ എന്ന 25 -കാരിയാണ് തന്റെ കാമുകനോടുള്ള പക വീട് തന്നെ കത്തിച്ച് തീർത്തത്. തന്റെ കാമുകന് മറ്റൊരു യുവതിയുമായി ബന്ധമുണ്ട് എന്ന് നലീ തിരിച്ചറിഞ്ഞതിന് പിന്നാലെ ഇരുവരും തമ്മിൽ വാക്കു തർക്കം ഉണ്ടായി. നലീ ആവശ്യപ്പെട്ടിട്ടും യുവതിയുമയുള്ള ബന്ധം ഉപേക്ഷിക്കാൻ കാമുകൻ തയ്യാറായില്ല.
ഇതോടെ കാമുകൻ തന്നെ ഉപേക്ഷിച്ച വിഷമം മറക്കാൻ നലീ മദ്യത്തിൽ അഭയം പ്രാപിക്കുകയായിരുന്നു. സ്വബോധം നഷ്ടപ്പെട്ടതോടെ വീടിന് തീയിട്ട് പ്രതികാരം ചെയ്തു. എന്തായാലും നലീ ഇപ്പോൾ പോലീസ് കസ്റ്റഡിയിലാണ്.
Comments