തീപ്പിടുത്തതിൽ ഒരു കുടുംബത്തിലെ 6 പേർ വെന്തുമരിച്ചു; അപകടത്തിന് കാരണമായത് ഷോർട്ട് സർക്യൂട്ട്

ലക്‌നൗ : ഉത്തർപ്രദേശിലെ തീപ്പിടുത്തതിൽ ഒരു കുടുംബത്തിലെ 4 കുട്ടികളടക്കം 6 പേർ മരിച്ചു.ഫിറോസാബാദ് ജില്ലയിലെ പദം ടൗണിലാണ് തീപിടിത്തം ഉണ്ടായത്. ഷോർട്ട് സർക്യൂട്ടാണ്  അപകടത്തിന് കാരണം .

തീപിടുത്തത്തിന് പിന്നാലെ പോലീസും 18 അഗ്‌നിശമന സേനാ യൂണിറ്റുകളും സ്ഥലത്തെത്തിയിരുന്നു. ആഗ്ര, ഇറ്റാ, മെയിൻപുരി, ഫിറോസാബാദ് എന്നിവിടങ്ങളിലെ യൂണിറ്റുകളാണ് തീ അണയ്‌ക്കുന്നതിന് എത്തിയത്.മരിച്ച കുടുംബം താമസിച്ചിരുന്ന വീടിന്റെ താഴത്തെ നിലയിൽ ഇലക്ട്രോണിക്സിന്റെയും ഫർണിച്ചറുകളുടെയും വ്യാപര സ്ഥാപനം ഉണ്ടായിരുന്നു. ഈ സ്ഥാപനങ്ങളിലേക്കും തീ വ്യാപിച്ചിട്ടുണ്ട്.

തിരക്കേറിയ പ്രദേശമായതിനാൽ രക്ഷാപ്രവർത്തനം പ്രയാസകരമാണ്. കെട്ടിടങ്ങൾക്ക് ഉള്ളിൽ ആരും കുടുങ്ങിയിട്ടില്ലെന്ന് ഉറപ്പ് വരുത്താനുള്ള ശ്രമം നടത്തുന്നു.രക്ഷാപ്രവർത്തനം പുരോഗമിക്കുകയാണെന്ന് ഉദ്യോഗസ്ഥർ പറഞ്ഞു. അതേസമയം അപകടത്തിൽ മുഖ്യമന്ത്രി യോഗി ആദിത്യനാഥ് ദുഃഖം രേഖപ്പെടുത്തി . മരിച്ചവരുടെ ബന്ധുക്കൾക്ക് സർക്കാർ രണ്ട് ലക്ഷം രൂപ ധനസഹായവും പ്രഖ്യാപിച്ചു.