ക്രൈസ്റ്റ്ചർച്ച് : പരമ്പര നേടാനുള്ള ഇന്ത്യയുടെ ലക്ഷ്യത്തെ ബൗളിംഗിലൂടെ തകർത്ത് ന്യൂസിലാന്റ്. 47.3ഓവറിൽ 219 റൺസിൽ ടീം ഇന്ത്യ പുറത്തായി. മധ്യനിരയിൽ മികച്ച പോരാട്ടം നടത്തി അർദ്ധസെഞ്ച്വറി നേടിയ വാഷിംഗ്ടൺ സുന്ദറാണ്(51) ഇന്ത്യയെ നാണക്കേടിൽ നിന്ന് രക്ഷിച്ചത്. മുൻനിരയിൽ 49 റൺസ് നേടി ശ്രേയസ്സ് അയ്യരും കിവീസിനെ തുടക്കത്തിൽ ധീരമായി നേരിട്ടു. മുൻനിരയെ തകർത്ത മിൽനേയും മിച്ചലും മൂന്ന് വിക്കറ്റുകൾ വീതം സ്വന്തമാക്കി. ടിം സൗത്തി രണ്ടുവിക്കറ്റുകളും ഫെർഗൂസനും സാന്റ്നറും ഓരോ വിക്കറ്റും വീഴ്ത്തി.
മുൻനിരയേയും മധ്യനിരയേയും നിലയുറപ്പിക്കാൻ അനുവദിക്കാതെയാണ് ന്യൂസിലാന്റ് ഇന്ത്യൻ ബാറ്റർമാരെ മടക്കിയത്. മുൻനിരയിൽ 49 റൺസ് നേടിയ ശ്രേയസ് അയ്യർ മാത്രമാണ് പിടിച്ചുനിന്നത്. മധ്യനിരയിൽ വാഷിംഗ്ടൺ സുന്ദറിന്റെ( 64 പന്തിൽ 51 റൺസ്) അവസ രോചിത ഇന്നിംഗ്സ് ഇല്ലായിരുന്നെങ്കിൽ ഇന്ത്യ 200 കടക്കില്ലായിരുന്നു.
ഓപ്പണർമാരായ നായകൻ ശിഖർ ധാവനേയും(28) ശുഭ്മാൻ ഗില്ലിനേയും(13), മധ്യനിരയിൽ സൂര്യകുമാറിനേയും(6) പുറത്താക്കിയ മിൽനെയാണ് ഇന്ത്യയുടെ മുന്നേറ്റം തകർത്തത്. ബാറ്റിംഗിൽ ഋഷഭ് പന്ത്(10) ഇത്തവണയും തീർത്തും ദയനീയ പരാജയമായി.
മധ്യനിരയിൽ ദീപക് ഹൂഡയ്ക്കൊപ്പം(12) തുടങ്ങിയ വാഷിംഗ്ടൺ സുന്ദർ 64 പന്തിൽ അഞ്ചു ഫോറുകളും ഒരു സിക്സറുമടക്കമാണ് 51 റൺസ് എടുത്തത്. 59 പന്തിൽ 8 ഫോറുകളോ ടെയാണ് ശ്രേയസ് അയ്യർ 49 റൺസ് എടുത്തത്.
വാലറ്റത്ത് ദീപക് ചാഹർ(12), യുസ്വേവേന്ദ്ര ചഹൽ (8), അർഷദീപ് സിംഗ്(9) എന്നിവരും കിവീസ് ബൗളിംഗിന് മുന്നിൽ പെട്ടന്ന് കീഴടങ്ങി. ഉമ്രാൻ മാലിക്(0) നാല് പന്തുകൾ നേരിട്ട് പുറത്താകാതെ നിന്നു.
Comments