പാലക്കാട്: പാലക്കാട് കൊല്ലങ്കോട് സ്ഥാപിച്ച ക്രിസ്റ്റ്യാനോ റൊണാൾഡോയുടെ കട്ടൗട്ട് തകർന്ന് വീണു 120 അടി ഉയരത്തിൽ പോർച്ചുഗൽ ആരാധകർ സ്ഥാപിച്ച കട്ടൗട്ടാണ് തകർന്നത്.ശക്തമായ കാറ്റിൽ തകർന്ന് വീഴുകയായിരുന്നു.ലോകകപ്പിനോട് അനുബന്ധിച്ച് സംസ്ഥാനത്ത് സ്ഥാപിച്ച ഏറ്റവും വലിയ കട്ടൗട്ടായിരുന്നു ഇത്.
കൊല്ലങ്കോട്-പൊള്ളാച്ചി റോഡിലെ കുരുവിക്കൂട്ട് മരത്തിന് സമീപത്താണ് ഇത്തവണ ഏറ്റവും ഉയരമുള്ള കട്ടൗട്ട് ഉയർന്നിരിക്കുന്നത്. കൊല്ലങ്കോട് ഫിൻമാർട്ട് കമ്പനിയുടെ കോമ്പൗണ്ടിലാണ് 120 അടി ഉയരമുള്ള ക്രിസ്റ്റ്യാനോയുടെ കൂറ്റൻ കട്ടൗട്ട് ഉയർന്നത്.
ഇത് ലോകത്തിലെ തന്നെ ഏറ്റവും വലിയ ലോകകപ്പ് ഫുട്‌ബോൾ കട്ടൗട്ടാണെന്ന് ആരാധകർ അവകാശപ്പെട്ടിരുന്നു. ഇതിനകം ഏഷ്യ ഗിന്നസ് ബുക്ക് റെക്കോർഡിലും ഇടം പിടിച്ചെന്ന് കമ്പനി അവകാശപ്പെട്ടിരുന്നു. ഇതിനിടയിലാണ് കട്ടൗട്ട് തകർന്നത്.
