ശ്രീനഗർ: കശ്മീർ പോലീസ് ഉദ്യോഗസ്ഥർക്ക് സർക്കാർ ശമ്പളം നൽകുന്നില്ലെന്ന പീപ്പിൾസ് ഡെമോക്രാറ്റിക് പാർട്ടി (പിഡിപി) നേതാവ് മെഹബൂബ മുഫ്തിയുടെ വ്യാജ ആരോപണത്തെ പൊളിച്ചടുക്കി കശ്മീർ പോലീസ്. രണ്ട് മാസത്തോളമായി പോലീസ് ഉദ്യോഗസ്ഥർക്ക് ശമ്പളം നൽകുന്നില്ലെന്ന പിഡിപി നേതാവിന്റെ പ്രസ്താവന വ്യാജമാണെന്നും പ്രചരിക്കുന്ന വാർത്തകൾ വിശ്വസിക്കരുതെന്നും കശ്മീർ അഡീഷണൽ ഡയറക്ടർ ജനറൽ ഓഫ് പോലീസ് വ്യക്തമാക്കി.
‘ചില വ്യക്തികളും സോഷ്യൽ മീഡിയ അക്കൗണ്ടുകളും മാദ്ധ്യമ പ്രവർത്തകരും ബജറ്റ് ലഭ്യമല്ലാത്തതിനാൽ എൻപിഎസി-ന് കീഴിൽ വരുന്ന പോലീസ് ജീവനക്കാരുടെ ശമ്പളം പിടിച്ചു വെച്ചിരിക്കുകയാണെന്ന് തെറ്റായി വാർത്തകൾ പ്രചരിപ്പിക്കുന്നു. ഇത് തീർത്തും വസ്തുതാ വിരുദ്ധവും അസത്യവുമാണ്. അതിനാൽ, ഈ തെറ്റായ വാർത്തകൾ തള്ളിക്കളയുന്നു. എൻപിഎസിൽ ഉൾപ്പെടുന്ന ജീവനക്കാരുടെ ശമ്പളത്തിന് മതിയായ ഫണ്ടുണ്ട്’ എന്നാണ് കശ്മീർ അഡീഷണൽ ഡയറക്ടർ ജനറൽ ഓഫ് പോലീസ് (എഡിജിപി) വിജയ് കുമാർ ട്വിറ്റിൽ കുറിച്ചത്.
Rebuttal.
Some social media accounts,media persons and individuals are falsely reporting that due to non availability of budget the salary of the police employees covered under NPS could not be drawn.There is no truth in it and is far from the facts.
— J&K Police (@JmuKmrPolice) December 1, 2022
കഴിഞ്ഞ ദിവസമാണ് പോലീസിന്റെ ശമ്പളവുമായി ബന്ധപ്പെട്ട് മെഹബൂബ മുഫ്തി അടിസ്ഥാന രഹിതമായ വാർത്ത ട്വിറ്ററിലൂടെ പ്രചരിപ്പിച്ചത്. ഇതിന് പിന്നാലെ പല മാദ്ധ്യമങ്ങളും ഈ വാർത്ത ഏറ്റെടുത്തു. ‘പോലീസിൽ പ്രവർത്തിക്കുന്നവരുടെ ശമ്പളം രണ്ട് മാസമായി തടഞ്ഞുവച്ചതിൽ ഖേദമുണ്ട്. ഈ ശമ്പളത്തെ മാത്രം ആശ്രയിക്കുന്ന കുടുംബങ്ങളുടെ ദുരിതത്തിലും വേദനയിലും സഹതാപമുണ്ട്’ എന്നായിരുന്നു മെഹബൂബ മുഫ്തി ട്വിറ്ററിൽ കുറിച്ചത്.
Sad that salaries of those who serve on the frontline have been withheld since two months. One can well empathise with the plight & pain of these families who solely rely on these salaries as their only source of income. https://t.co/0pPNctythz
— Mehbooba Mufti (@MehboobaMufti) December 1, 2022
Comments