ന്യൂഡൽഹി: അന്തർദേശീയ ദിവ്യാംഗ ദിനവുമായി ബന്ധപ്പെട്ട് ദേശീയ ബഹുമതികൾ രാഷ്ട്രപതി ഇന്ന് സമർപ്പിക്കും. പരിമിതികളെ അതിജീവിച്ച് സമൂഹത്തിന് മാതൃക കാണിക്കുന്നവർക്കാണ് ആഗോളതലത്തിൽ എല്ലാവർഷവും ആദരവ് അർപ്പിക്കുന്നത്. വിജ്ഞാൻ ഭവനിൽ കേന്ദ്ര സാമൂഹ്യ ക്ഷേമവകുപ്പിന്റെ നേതൃത്വത്തിലാണ് ഇന്ന് ചടങ്ങ് സംഘടിപ്പിച്ചിരിക്കുന്നത്.
ഈ വർഷം ബഹുമതിയ്ക്കായി വിവിധ സംസ്ഥാനങ്ങളിൽ നിന്നും 1210 അപേക്ഷകളാണ് ലഭിച്ചത്. ദിവ്യാംഗരുടെ ആരോഗ്യറിപ്പോർട്ടും പ്രവർത്തന മേഖലയിലെ റിപ്പോർട്ടും ദിവ്യാംഗ സ്ഥാപനങ്ങളുടെ യോഗ്യതകളും പരിശോധിച്ചാണ് ബഹുമതി നൽകുന്നത്. സംസ്ഥാന തലത്തിൽ ക്രോഡീകരിക്കപ്പെട്ട ശേഷമുള്ള ചുരുക്കപ്പട്ടികയാണ് കേന്ദ്രസർക്കാറിന് ലഭിക്കുന്നത്. പട്ടികയിൽ നിന്നും അർഹതപ്പെട്ടവരെ തിരഞ്ഞെടുക്കുന്നത് കേന്ദ്രസർക്കാർ സാമൂഹ്യക്ഷേമവകുപ്പ് നിയോഗിച്ചിട്ടുള്ള പ്രത്യേക സമിതിയാണ്.
2021ൽ 844 പേർക്ക് രാജ്യത്താകമാനമായി ബഹുമതി സമർപ്പിക്കപ്പെട്ടു. ദേശീയ ബഹുമതി മാനദണ്ഡമനുസരിച്ചാണ് 2017 വരെ ഏഴ് വിഭാഗങ്ങളിലായിട്ടാണ് ബഹുമതി നൽകിയിരുന്നത്. ഇത് 21 വിഭാഗങ്ങളായി വിപുലപ്പെടുത്തിയിട്ടുണ്ട്.
Comments