തിരുവനന്തപുരം : കഴക്കൂട്ടം എലിവേറ്റഡ് ഹൈവേ ജനങ്ങൾക്കായി തുറന്നു നൽകി. ഉദ്ഘാടനത്തിന് കാത്തുനിൽക്കാതെയാണ് സംസ്ഥാനത്ത് ഏറ്റവും വലിയ എലിവേറ്റഡ് ഹൈവേ തുറന്നത്. നിർമ്മാണം പൂർത്തിയായിട്ടും ഇത് തുറക്കാത്തതിൽ വ്യാപക പ്രതിഷേധം ഉയർന്നിരുന്നു. ഇതിന് പിന്നാലെയാണ്ദേശീയപാത തുറന്നത്.
റോഡിലെ വൻ ഗതാഗതക്കുരുക്ക് ഒഴിവാക്കാനാണ് ദേശീയപാത തുറന്നത് എന്ന് ദേശീയപാത അതോറിറ്റി അറിയിച്ചു. പരിശോധനകൾ പൂർത്തിയാക്കാനുള്ള സമയമാണ് എടുത്തത്. ഹൈവേ തുറന്നുനൽകാൻ വൈകിയിട്ടില്ലെന്നും പ്രോജക്ട് എൻജിനീയർ വ്യക്തമാക്കി. ഔദ്യോഗിക ഉദ്ഘാടനം പിന്നീട് നടത്തുമെന്ന് അദ്ദേഹം പറഞ്ഞു.
നവംബർ 15 ന് പാത തുറന്ന് കൊടുക്കുമെന്നാണ് അറിയിച്ചിരുന്നത്. എന്നാൽ പരിശോധനകൾ നീണ്ടുപോയതിനാൽ ഇത് തുറക്കാനായില്ല. 2018 ഡിസംബറിലാണ് പാതയുടെ നിർമാണം തുടങ്ങിയത്. 200 കോടി രൂപയാണ് നിർമാണ ചിലവ്.
