മുംബൈ : ബുർഖ ധരിച്ചെത്തി ആസിഡ് ആക്രമണം നടത്തിയ യുവതി അറസ്റ്റിൽ. 25 കാരിയായ യുവതി നാഗ്പൂരിൽ നിന്നാണ് അറസ്റ്റിലായത്. മുൻ കാമുകന്റെ ഭാര്യയ്ക്കും രണ്ടര വയസുള്ള കുഞ്ഞിനും നേരെയാണ് ഇവർ ആസിഡ് ആക്രമണം നടത്തിയത്. സിസിടിവി കേന്ദ്രീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്.
കഴിഞ്ഞ ദിവസമായിരുന്നു സംഭവം. ആക്രമണത്തിന് ഇരയായ യുവതിയുടെ ഭർത്താവിനെ ചൊല്ലി ഇവരും തമ്മിൽ സ്ഥിരം തർക്കം നടന്നിരുന്നു. ഇയാളുടെ മുൻ കാമുകിയാണ് ആക്രമണം നടത്തിയ യുവതി. മുൻ കാമുകന്റെ ഭാര്യയോടുള്ള കടുത്ത പകയെ തുടർന്ന് ഇവർ സുഹൃത്തുമായി ഗൂഡാലോചന നടത്തുകയായിരുന്നു. തുടർന്ന് ബുർഖ ധരിച്ച സുഹൃത്തിനൊപ്പം സ്കൂട്ടറിലെത്തി ആക്രമണം നടത്തി. നടുറോഡിൽ വെച്ചാണ് യുവതിയെയും കുഞ്ഞിനെയും ആക്രമിച്ചത്. ഗുരുതരമായി പരിക്കേറ്റ അമ്മയെയും കുഞ്ഞിനെയും ഉടൻ ആശുപത്രിയിൽ പ്രവേശിപ്പിച്ചു.
#Maharashtra: Woman, child injured in an acid attack by husband's ex-lover in Nagpur #Nagpur #NagpurShocker #AcidAttack #MaharashtraNews #OnCamera pic.twitter.com/UkZL092ZZZ
— Free Press Journal (@fpjindia) December 6, 2022
മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്. ഇതിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. രണ്ട് ബുർഖ ധാരികളായ സ്ത്രീകൾ സ്കൂട്ടറിലെ യുവതിക്കും കുഞ്ഞിനും നേരെ ആക്രമണം നടത്തുന്നത് കാണാം. ഇതിന് പിന്നാലെ ഇവർ സ്ഥലത്ത് നിന്ന് കടന്നുകളയുന്നതും ദൃശ്യങ്ങളിലുണ്ട്.
