ആരാധകരും സിനിമാ പ്രേമികളും ഏറെ ആവേശത്തോടെ കാത്തിരിക്കുന്ന ചിത്രമാണ് അജിത്ത് നായകനാകുന്ന തുനിവ്. സംവിധായകൻ എച്ച്. വിനോദ് സംവിധാനം ചെയ്യുന്ന ചിത്രം പൊങ്കൽ റിലീസായി എത്തുമെന്നാണ് ലഭിക്കുന്ന വിവരം. ചിത്രത്തിന്റെ ഫസ്റ്റ് ലുക്ക് പോസ്റ്ററും തല അജിത്തിന്റെ സ്റ്റൈലിഷ് സ്റ്റില്ലുകളും സമൂഹമാദ്ധ്യമങ്ങളിൽ തരംഗമായിരുന്നു. ഇപ്പോഴിതാ, ആരാധകർക്കും സിനിമാ പ്രേമികൾക്കും ആവേശമായി തുനിവിലെ ആദ്യ ഗാനം എത്തിയിരിക്കുകയാണ്. ‘ചില്ല ചില്ല’ എന്ന ഗാനം തരംഗമാകുകയാണ്.
‘ആളുമാ ഡോളുമാ’ എന്ന ഗാനത്തിന് ശേഷം ഒരു അജിത്ത് ഗാനം വീണ്ടും തരംഗം സൃഷ്ടിക്കുകയാണ്. വൈശാഖ് രചിച്ച വരികൾക്ക് ഈണം പകർന്നിരിക്കുന്നത് ജിബ്രാൻ ആണ്. സൂപ്പർ ഹിറ്റ് സംഗീത സംവിധായകനായ അനിരുദ്ധ് രവിചന്ദറാണ് ഗാനം ആചപിക്കുന്നു. ആരാധകരെ ത്രസിപ്പിക്കുന്ന ഈണത്തിലാണ് ജിബ്രാൻ ‘ചില്ല ചില്ല’ ഗാനം ഒരുക്കിയിരിക്കുന്നത്. അനിരുദ്ധ് രവിചന്ദറിന്റെ ശബ്ദം കൂടി ചേർന്നപ്പോൾ ഗാനം ആരാധകർ ഏറ്റെടുക്കുകയാണ്.
നെഗറ്റീവ് ഷേഡുള്ള വേഷമാണ് ചിത്രത്തിൽ അജിത്ത് ചെയ്യുന്നതെന്നാണ് റിപ്പോർട്ടുകൾ. നേർക്കൊണ്ട പാർവൈ, വലിമൈ എന്നിവക്ക് ശേഷം അജിത്- എച്ച് വിനോദ് ടീം ഒന്നിക്കുന്ന ചിത്രമാണ് തുനിവ്. ‘നോ ഗട്ട്സ് നോ ഗ്ലോറി’ എന്നാണ് ആക്ഷന്‍ ത്രില്ലര്‍ ഗണത്തില്‍ പെടുന്ന ചിത്രത്തിന്റെ ടൈറ്റിലിന് നൽകിയിരിക്കുന്ന ടാഗ് ലൈൻ. തുനിവിൽ അജിത്തിന്റെ നായികയായി എത്തുന്നത് മഞ്ജു വാര്യരാണ്. വീര, സമുദ്രക്കനി, ജോണ്‍ കൊക്കെൻ, തെലുങ്ക് നടൻ അജയ് എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്. നീരവ് ഷാ ഛായാഗ്രഹണവും വിജയ് വേലുക്കുട്ടി എഡിറ്റിംഗും നിര്‍വ്വഹിക്കുന്ന ചിത്രം, ബേ വ്യൂ പ്രോജക്ട്സിന്റെ ബാനറിൽ ബോളിവുഡ് നിർമ്മാതാവായ ബോണി കപൂറാണ് നിർമ്മിച്ചിരിക്കുന്നത്.
Comments