അപകട സാദ്ധ്യത ഇല്ലാതെ നിക്ഷേപിക്കാൻ ആഗ്രഹിക്കുന്നവർ തിരഞ്ഞെടുക്കുന്ന നിക്ഷേപമാണ് സ്ഥിര നിക്ഷേപം. സ്ഥിര നിക്ഷേപം നടത്താൻ ആഗ്രഹിക്കുന്നവർക്ക് ഇത് സുവർണാവസരം. സ്ഥിര നിക്ഷേപത്തിനിപ്പോൾ പലിശ നിരക്ക് ഉയർത്തിയിരിക്കുകയാണ് രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ.
തിരഞ്ഞെടുത്ത കാലായളവിലേക്കുള്ള പലിശ നിരക്കാണ് എസ്ബിഐ ഉയർത്തിയത്. രണ്ട് കോടി രൂപയിൽ താഴെയുള്ള റീട്ടെയിൽ എഫ്ഡികളുടെ പുതുക്കിയ നിരക്കുകൾ ഡിസംബർ 13 മുതൽ നിലവിൽ വന്നു. നിർദിഷ്ട പലിശ നിരക്കുകൾ പുതിയ നിക്ഷേപങ്ങൾക്കും കാലാവധി പൂർത്തിയാകുന്ന നിക്ഷേപങ്ങളുടെ പുതുക്കലിനും ബാധകമാക്കും. റിസർവ് ബാങ്ക് റിപ്പോ നിരക്ക് ഉയർത്തിയതാണ് നിക്ഷേപ വായ്പാ നിരക്കുകൾ ഉയർത്താൻ കാരണം.
പുതുക്കിയ പലിശ നിരക്കുകൾ
7 ദിവസം മുതൽ 45 ദിവസം വരെ – 3 ശതമാനം
46 ദിവസം മുതൽ 179 ദിവസം വരെ – 4.5 ശതമാനം
180 ദിവസം മുതൽ 210 ദിവസം വരെ – 5.25 ശതമാനം
211 ദിവസം മുതൽ 1 വർഷത്തിൽ താഴെ വരെ – 5.50 ശതമാനം മുതൽ 5.75 ശതമാനം വരെ
1 വർഷം മുതൽ 2 വർഷം വരെ – 6.10 ശതമാനം മുതൽ 6.75 ശതമാനം വരെ
2 വർഷം മുതൽ 3 വർഷം വരെ – 6.25 ശതമാനം മുതൽ 6.75 ശതമാനം വരെ
3 വർഷം മുതൽ 5 വർഷം വരെ – 6.10 ശതമാനം മുതൽ 6.25 ശതമാനം വരെ
5 വർഷം മുതൽ 10 വർഷം വരെ- 6.10 ശതമാനം മുതൽ 6.25 ശതമാനം വരെ
