പാലക്കാട്: ജില്ലയിലെ വിവിധ വില്ലേജ് ഓഫീസുകളിൽ വിജിലൻസിന്റെ മിന്നൽ റെയ്ഡ്. പരിശോധനയിൽ കണക്കിൽപ്പെടാത്ത പണം കണ്ടെത്തി. കോഴിപ്പതി വില്ലേജ് ഓഫീസിൽ നടത്തിയ പരിശോധനയിൽ കണക്കിൽപ്പെടാത്ത 5900 രൂപയാണ് കണ്ടെത്തിയത്. വില്ലേജ് അസിസ്റ്റന്റുമാരുടെ പക്കൽ നിന്നാണ് പണം കണ്ടെത്തിയത്. മണ്ണാർക്കാട് കരിമ്പ ഫസ്റ്റ് വില്ലേജിൽ നടന്ന പരിശോധനയിൽ കണക്കിൽപ്പെടാത്ത 1200 രൂപയും തണ്ടപേര് അപേക്ഷകൾ കെട്ടികിടക്കുന്നതായും കണ്ടെത്തി.
എരുത്തേമ്പതി കോഴിപ്പതി വില്ലേജ് ഓഫീസ്, മണ്ണാർക്കാട് കരിമ്പ വില്ലേജ് ഓഫീസ് എന്നിവിടങ്ങളിൽ നിന്നുമാണ് പണം കണ്ടെത്തിയത്. പാലക്കാട് വിജിലൻസ് ഡിവൈഎസ്പിയുടെ നേതൃത്വത്തിലായിരുന്നു റെയ്ഡ്.
നിയമകുരുക്കില്ലാത്ത അപേക്ഷകളിൽപ്പോലും കാലതാമസം വരുന്നുവെന്ന പരാതിയുടെ അടിസ്ഥാനത്തിലായിരുന്നു മിന്നൽ പരിശോധന.
