വലെൻസിയ: അന്താരാഷ്‌ട്ര ടീമുകൾ മാറ്റുരച്ച പ്രോലീഗ് വനിതാ ഹോക്കി യോഗ്യതാ പോരാട്ടത്തിൽ ഇന്ത്യൻ ടീമിന് മികച്ച ജയം. സ്‌പെയിനെയാണ് കലാശപോരാട്ടത്തിൽ എതിരില്ലാത്ത ഒരു ഗോളിന് ഇന്ത്യൻ വനിതകൾ അടിയറ പറയിച്ചത്. ഇതോടെ 2023-24 ഫെഡറേഷൻ ഓഫ് ഇന്റർനാഷണൽ ഹോക്കി പ്രോലീഗിൽ ഇന്ത്യൻ നിര മത്സരിക്കും.
വിമൻസ് എഫ്‌ഐഎച്ച് നേഷൻസ് കപ്പ് കിരീടം ചൂടിയാണ് ഇന്ത്യൻ വനിതാ നിര പ്രോലീഗ് യോഗ്യതാ മത്സരം കളിക്കാനിറങ്ങിയത്. തികഞ്ഞ ആത്മവിശ്വാസത്തോടെ കളം നിറഞ്ഞ താരങ്ങൾ എതിരാളികൾക്ക് ഗോളടിക്കാനുള്ള ഒരു അവസരവും നൽകാതെയാണ് ജയം സ്വന്തമാക്കിയത്.
കളിയുടെ ആദ്യ പാദത്തിൽ തന്നെ ഇന്ത്യ ഗോൾ നേടി. 5-ാം മിനിറ്റിൽ ഗുർജിത് കൗറാണ് ഗോളടിച്ചത്. സ്‌പെയിനിനെതിരെ ലഭിച്ച പെനാൽറ്റിയാണ് ഗോളാക്കി മാറ്റിയത്. ആദ്യ പാദത്തിൽ സ്‌പെയിൻ ശക്തമായി മുന്നേറിയെങ്കിലും ഗോൾവല കരുത്തോടെ കാത്ത ക്യാപ്റ്റൻ സവിത പൂനിയയുടെ ജാഗ്രതയാണ് ഗോൾ വീഴാതെ രക്ഷയായത്.
സ്‌പെയിന്റെ കൃത്യതയാർന്ന പെനാൽറ്റി ഷോട്ട് തന്റെ കാൽപാദംകൊണ്ടാണ് സവിത സമർത്ഥമായി തടഞ്ഞത്. സെമിഫൈനലിൽ അയർലാന്റിനെതിരെ ഷൂട്ടൗട്ടിലും തിളങ്ങി യത് ഇന്ത്യൻ ക്യാപ്റ്റൻ സവിത പൂനിയ തന്നെയായിരുന്നു.
