മലപ്പുറം: കരിപ്പൂരിൽ വീണ്ടും സ്വർണം കടത്താൻ ശ്രമം. രഹസ്യമായി കടത്താൻ ശ്രമിച്ച സ്വർണവുമായി യുവാവിനെ കസ്റ്റംസ് പിടികൂടി. കണ്ണൂർ സ്വദേശി ഫയാസാണ് പിടിയിലായത്.
ഉച്ചയോടെയായിരുന്നു സംഭവം. മലദ്വാരത്തിൽ ഒളിപ്പിച്ചാണ് ഇയാൾ സ്വർണം കടത്താൻ ശ്രമിച്ചത്. സ്വർണം ക്യാപ്സൂളുകളാക്കി ഇയാൾ മലദ്വാരത്തിൽ ഒളിപ്പിക്കുകയായിരുന്നു. സംശയം തോന്നിയതിനെ തുടർന്ന് കസ്റ്റംസ് ഇയാളെ വിശദമായി പരിശോധിച്ചു. ഇതോടെയാണ് സ്വർണം കടത്താൻ ശ്രമിച്ചതായി വ്യക്തമായത്. ഇയാളുടെ പക്കൽ നിന്നും 967 ഗ്രാം സ്വർണമാണ് പിടിച്ചെടുത്തത്.
അതേസമയം നെടുമ്പാശ്ശേരി വിമാനത്താവളത്തിലും സ്വർണം കടത്താൻ ശ്രമിച്ചതിന് ഒരാൾ പിടിയിലായിട്ടുണ്ട്. കൊടുങ്ങല്ലൂർ സ്വദേശി സഫീർ ആണ് പിടിയിലായത്.
