അവനവന്റെ ജീവിതം കെട്ടിപ്പടുക്കാൻ ഓടുന്ന ഓട്ടത്തിൽ വഴിയരികിലെ കണ്ണു നനയ്ക്കുന്ന കാഴ്ചകൾ കാണാൻ മനുഷ്യർക്ക് ഇപ്പോൾ എവിടെയാണ് സമയം?. എന്നാൽ, അവനവൻ കഴിക്കുന്നതിൽ നിന്നും ഒരു പങ്ക് സഹജീവികൾക്കായി മാറ്റി വയ്ക്കുന്നവരും നമ്മുടെ സമൂഹത്തിലുണ്ട്. അങ്ങനെയുള്ള കുറച്ച് നല്ല ഹൃദയങ്ങളാണ് സമൂഹത്തിൽ ഇന്നും നന്മയുടെ വിത്തുകൾ മുളപ്പിക്കുന്നത്. അത്തരമൊരു ഹൃദ്യമായ കാഴ്ചയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. ലോകമൊട്ടാകെയുള്ള ജനങ്ങൾ അവരുടെ വീടുകളിൽ ക്രിസ്തുമസ് ആഘോഷിക്കുമ്പോൾ, തായ്ലൻഡിലെ ഒരു യുവാവ് ക്രിസ്തുമസ് ദിനത്തിൽ തെരുവ് നായകൾക്ക് ഭക്ഷണം ഒരുക്കിയിരിക്കുകയാണ്.
നിയാൽ ഹാർബിസൺ എന്ന തായ് സ്വദേശിയാണ് ക്രിസ്തുമസ് ദിനത്തിൽ ഒരു നേരത്തെ ആഹാരത്തിനായി അലഞ്ഞു തിരിഞ്ഞു നടക്കുന്ന നായകൾക്ക് വിഭവസമൃദ്ധമായ ഭക്ഷണം ഒരുക്കിയിരിക്കുന്നത്. ഭക്ഷണങ്ങൾ മാത്രമല്ല, നായ്ക്കൾക്ക് കളിക്കാൻ ഭംഗിയുള്ള കളിപ്പാട്ടങ്ങളും അദ്ദേഹം വിതരണം ചെയ്തു. ഇതിന്റെ വീഡിയോയാണ് സമൂഹമാദ്ധ്യമങ്ങളിൽ വൈറലാകുന്നത്. നിയാൽ ഹാർബിസൺ അദ്ദേഹത്തിന്റെ ക്രിസ്തുമസ് തെരുവ് നായ്ക്കൾക്കൊപ്പാണ് ആഘോഷിച്ചത്.
വീഡിയോ കാണാം, ക്ലിക്ക് ചെയ്യുക
‘ലോകമെമ്പാടുമുള്ള തെരുവ് നായ്ക്കൾ കഠിനമായ ജീവിതമാണ് നയിക്കുന്നത്. അതിനാൽ തായ്ലൻഡിൽ 100 ഓളം വരുന്ന നായകളെ സന്തോഷിപ്പിക്കണമെന്ന് എനിക്ക് തോന്നി. അതിനായി പുലർച്ചെ 4.30 ന് ഞാൻ എഴുന്നേറ്റു. അവർക്ക് ആവശ്യത്തിന് ഭക്ഷണം ഉണ്ടാക്കി നൽകി. ഒരുപാട് ആളുകൾ എനിക്ക് കളിപ്പാട്ടങ്ങളും പാവകളും അയച്ചു തന്നു. അത് ഞാൻ നായ്ക്കൾക്ക് നൽകി. അതിൽ ഭൂരിഭാഗം നായ്ക്കളും അവരുടെ ജീവിത്തതിൽ ഒരിക്കൾ പോലും കളിപ്പാട്ടങ്ങൾ കണ്ടിട്ടില്ല’ എന്ന കുറിപ്പോടെയാണ് നിയാൽ ഹാർബിസൺ ഹൃദ്യമായ വീഡിയോ പങ്കുവെച്ചിരിക്കുന്നത്.
Comments