തിരുവനന്തപുരം: 45-ാമത് ഫിലിം ക്രിട്ടിക്സ് പുരസ്കാരം ഏറ്റുവാങ്ങി നടൻ ഉണ്ണിമുകുന്ദൻ. മേപ്പടിയാൻ എന്ന ചിത്രത്തിലെ അഭിനയത്തിന് മികച്ച സഹനടനുള്ള പുരസ്കാരമാണ് ഉണ്ണിമുകുന്ദൻ സ്വന്തമാക്കിയത്. തന്റെ അദ്ധ്വാനത്തെ പ്രോത്സാഹിപ്പിച്ചതിന് നന്ദിയുണ്ടെന്ന് നടൻ പ്രതികരിച്ചു. പുരസ്കാരം ഏറ്റുവാങ്ങുന്നതിന്റെ ചിത്രങ്ങളും അദ്ദേഹം സമൂഹമാദ്ധ്യമത്തിലൂടെ പങ്കുവച്ചിട്ടുണ്ട്.
ആരാധകർ കാത്തിരിക്കുന്ന ഉണ്ണിമുകുന്ദന്റെ അടുത്ത ചിത്രം മാളികപ്പുറമാണ്. ഡിസംബർ 30നാണ് ചിത്രത്തിന്റെ റിലീസ്. ക്ലീൻ യു സർട്ടിഫിക്കറ്റാണ് സിനിമയ്ക്ക് സെൻസർ ബോർഡ് നൽകിയിരിക്കുന്നത്. നവാഗതനായ വിഷ്ണു ശശി ശങ്കറാണ് സംവിധായകൻ. അയ്യപ്പനെ കാണാൻ മോഹിച്ച് ഇറങ്ങിപ്പുറപ്പെടുന്ന കൊച്ചുപെൺകുട്ടിയുടെ യാത്രയാണ് ചിത്രത്തിലൂടെ പറയുന്നത്.
Comments