ഇൻഡോർ: വെജിറ്റേറിയൻ ഭക്ഷണം ഓർഡർ ചെയ്തയാൾക്ക് മാംസാഹാരം വിളമ്പിയ ഹോട്ടൽ ഉടമയ്ക്കെതിരെ കേസെടുത്ത് പോലീസ്. മധ്യപ്രദേശിലെ ഇൻഡോറിലാണ് സംഭവം. ആകാശ് ദുബെ എന്നയാളാണ് പോലീസിൽ പരാതി നൽകിയത്. വെജ് ബിരിയാണിയാണ് ഇദ്ദേഹം ഹോട്ടലിൽ ചെന്ന് ഓർഡർ ചെയ്തത്. എന്നാൽ ആകാശിന് ലഭിച്ച ബിരിയാണിയിൽ എല്ല് കഷണങ്ങളും ഉണ്ടായിരുന്നു.
ഉടനെ തന്നെ റെസ്റ്റോറന്റ് മാനേജരോടും ജീവനക്കാരോടും ഇതേ കുറിച്ച് പറയുകയും ചെയ്തു. ജീവനക്കാർ ആകാശിനോട് മാപ്പ് പറഞ്ഞെങ്കിലും, ഇയാൾ പോലീസിൽ പരാതി നൽകുകയായിരുന്നു. പിന്നാലെയാണ് ഹോട്ടൽ ഉടമയ്ക്കെതിരെ കേസ് രജിസ്റ്റർ ചെയ്തത്. വിഷയം അന്വേഷിച്ച ശേഷം തുടർ നടപടികൾ സ്വീകരിക്കുമെന്ന് ഡെപ്യൂട്ടി പോലീസ് കമ്മീഷണർ സമ്പത്ത് ഉപാധ്യായ പറഞ്ഞു.
