അഹമ്മദാബാദ്: കേന്ദ്ര ആഭ്യന്തര മന്ത്രി അമിത് ഷായെ വീട്ടിലെത്തി സന്ദർശിച്ച് ക്രിക്കറ്റ് താരങ്ങളായ ഹർദ്ദിക് പാണ്ഡ്യയും സഹോദരൻ ക്രുണാൽ പാണ്ഡ്യയും. അമിത് ഷായുടെ ക്ഷണം സ്വീകരിച്ചാണ് പുതുവർഷത്തലേന്ന് അദ്ദേഹത്തെ സന്ദർശിച്ചതെന്ന് ഹർദ്ദിക് ട്വീറ്റ് ചെയ്തു. ഇന്ത്യൻ ട്വന്റി 20 ടീമിന്റെ താത്കാലിക ക്യാപ്ടനാണ് ഹർദ്ദിക്.
Thank you for inviting us to spend invaluable time with you Honourable Home Minister Shri @AmitShah Ji. It was an honour and privilege to meet you. 😊 pic.twitter.com/KbDwF1gY5k
— hardik pandya (@hardikpandya7) December 31, 2022
അമിത് ഷായെ സന്ദർശിച്ചതിന്റെ ചിത്രങ്ങളും ഹർദ്ദിക് പാണ്ഡ്യ സാമൂഹിക മാദ്ധ്യമങ്ങളിൽ പങ്കുവെച്ചു. തന്റെ വിലയേറിയ സമയത്തിന്റെ ഒരു പങ്ക് തങ്ങൾക്കായി മാറ്റി വെച്ചതിന് അമിത് ഷായ്ക്ക് നന്ദി പറയുന്നതായി ഹർദ്ദിക് ട്വിറ്ററിൽ കുറിച്ചു. അദ്ദേഹത്തെ സന്ദർശിക്കാൻ കഴിഞ്ഞത് സന്തോഷകരവും അഭിമാനകരവുമായ അനുഭവമായിരുന്നുവെന്നും ഹർദ്ദിക് പറഞ്ഞു.
ശ്രീലങ്കയ്ക്കെതിരായ ട്വന്റി 20 പരമ്പര ജനുവരി 3ന് ആരംഭിക്കാനിരിക്കെയാണ് പാണ്ഡ്യ സഹോദരങ്ങൾ അമിത് ഷായെ സന്ദർശിച്ചത്. പരിക്കേറ്റ ക്യാപ്ടൻ രോഹിത് ശർമ്മ, മറ്റ് മുതിർന്ന താരങ്ങളായ വിരാട് കോഹ്ലി, കെ എൽ രാഹുൽ, ആർ അശ്വിൻ, ശിഖർ ധവാൻ തുടങ്ങിയവർ ട്വന്റി 20 പരമ്പരയിൽ കളിക്കുന്നില്ല.
ഐപിഎല്ലിൽ ഗുജറാത്ത് ടൈറ്റൻസിനെ ആദ്യ സീസണിൽ തന്നെ ചാമ്പ്യന്മാരാക്കിയ ഹർദ്ദിക് വൈകാതെ ഇന്ത്യൻ ട്വന്റി 20 ടീമിന്റെ സ്ഥിരം നായകനാകും എന്നാണ് സൂചനകൾ. ശ്രീലങ്കയ്ക്കെതിരെ 3 ട്വന്റി 20 മത്സരങ്ങളും 3 ഏകദിന മത്സരങ്ങളുമാണ് ഇന്ത്യ കളിക്കുക.
Comments