മലപ്പുറം: കരിപ്പൂർ വിമാനത്താവളത്തിൽ വൻ സ്വർണവേട്ട. ഒരു കിലോയിലേറെ സ്വർണവുമായി മലപ്പുറം സ്വദേശി മുനീസിനെ പോലീസ് കസ്റ്റഡിയിലെടുത്തു. വിമാനത്താവളത്തിന് പുറത്ത് വെച്ചാണ് ഇയാളെ പിടികൂടിയതെന്ന് പോലീസ് അറിയിച്ചു.
നാല് ക്യാപ്‌സ്യൂളുകളാക്കി ശരീരത്തിനുള്ളിൽ ഒളിപ്പിച്ചാണ് ഇയാൾ 1.162 കിലോ സ്വർണം കടത്തിയതെന്നും പിടിച്ചെടുത്ത സ്വർണത്തിന് വിപണിയിൽ 63 ലക്ഷം രൂപ വിലമതിക്കുമെന്നും പോലീസ് അറിയിച്ചു. ജിദ്ദയിൽ നിന്നുള്ള എയർ ഇന്ത്യ എക്‌സ്പ്രസ് വിമാനത്തിലാണ് ഇയാൾ കരിപ്പൂരിലെത്തിയത്. രഹസ്യ വിവരത്തിന്റെ അടിസ്ഥാനത്തിലാണ് ഇയാളഎ പോലീസ് കസ്റ്റഡിയിലെടുത്തത്.
ചോദ്യം ചെയ്യലിൽ സ്വർണമില്ലെന്നായിരുന്നു മറുപടി. തുടർന്ന് നടത്തിയ വൈദ്യ പരിശോധനയിലാണ് ക്യാപ്‌സ്യൂളാക്കി സ്വർണമിശ്രിതം ശരീരത്തിമുള്ളിൽ ഒളിപ്പിച്ചതായി കണ്ടെത്തിയത്. കരിപ്പൂർ വിമാനത്താവളത്തിന് പുറത്തുവെച്ച് ഈ വർഷം പോലീസ് പിടികൂടുന്ന ആദ്യ സ്വർക്കടത്താണിത്.
