ന്യൂഡൽഹി: “ലോകം വെല്ലുവിളി നേരിടുന്ന നിർണ്ണായക ഘട്ടത്തിലാണ് ഭാരതം ജി 20 അദ്ധ്യക്ഷ പദവി ഏറ്റെടുത്തതെന്ന്” ജി 20 ചീഫ് കോർഡിനേറ്റർ ഹർഷ് വർധൻ ശ്രിംഗ്ല. ജി 20യിൽ അംഗമല്ലാത്ത രാജ്യങ്ങൾ പോലും ഏറെ പ്രതീക്ഷയൊടെയാണ് ഭാരതത്തിന്റെ അദ്ധ്യക്ഷ പദവിയെ നോക്കി കാണുന്നത്. രാഷ്ട്രീയവും സാമ്പത്തികവും സുരക്ഷയുമായി ബന്ധപ്പെട്ട അനിശ്ചിതത്തിൽ ലോകരാജ്യങ്ങൾ കടന്നു പോകുന്ന വേളയിൽ മികച്ച പരിഹാരം നിർദ്ദേശിക്കാൻ ഇന്ത്യയ്ക്ക് സാധിക്കുമെന്ന ഉത്തമ വിശ്വാസം രാജ്യങ്ങൾക്കിടയിലുണ്ടെന്നും അദ്ദേഹം ദേശീയ മാദ്ധ്യമത്തിന് നൽകിയ അഭിമുഖത്തിൽ പറഞ്ഞു.
2022 ഡിസംബർ 1 നാണ് ഇന്ത്യ ജി 20യുടെ അദ്ധ്യക്ഷ പദവിയിലേക്ക് എത്തിയത്. ലോക ജിഡിപിയുടെ 80 ശതമാനവും അന്താരാഷ്ട്ര വ്യാപാരത്തിന്റെ 75 ശതമാനവും ലോക ജനസംഖ്യയുടെ 60 ശതമാനവും പ്രതിനിധാനം ചെയ്യുന്ന കൂട്ടായ്മയാണ് ജി 20. സെപ്റ്റംബറിൽ നടക്കുന്ന മെഗാ ഉച്ചകോടിയുടെ ആതിഥേയത്വവും ഭാരതം വഹിക്കും. കൂടാതെ 57 വ്യത്യസ്ത ഇടങ്ങളിലായി സംഘടിപ്പിക്കുന്ന 200-ലധികം മീറ്റിംഗുകളിൽ അദ്ധ്യക്ഷ സ്ഥാനം ഭാരതത്തിനായിരിക്കുമെന്നും ചീഫ് കോർഡിനേറ്റർ കൂട്ടിച്ചേർത്തു.
Comments