നിങ്ങളറിഞ്ഞോ…! ഇനി സ്‌കൂട്ടർ ഓടിക്കാൻ ബാലൻസ് വേണ്ട; വേറിട്ട കണ്ടുപിടുത്തവുമായി ഒരു ഇന്ത്യൻ കമ്പനി

ലോകത്തിലെ ആദ്യത്തെ ഓട്ടോ-ബാലൻസിങ് ഇലക്ട്രിക് സ്‌കൂട്ടർ അനാച്ഛാദനം ചെയ്യാനൊരുങ്ങി ഇന്ത്യൻ കമ്പനി. മുംബൈ ആസ്ഥാനമായ ഇലക്ട്രിക് ഇരുചക്ര നിർമ്മാണ സ്റ്റാർട്ടപ്പ് കമ്പനി ലിഗർ മൊബിലിറ്റി യാണ് ഈ വേറിട്ട ഇലക്ട്രിക് സ്‌കൂട്ടറിന് പിന്നിൽ. 2023-ലെ ഓട്ടോ എക്സ്പോയിലാകും ഇത്തരമൊരു വേറിട്ട സ്‌കൂട്ടർ അവതരിപ്പിക്കുക.

വിപണിയിലിറങ്ങാൻ പോകുന്ന ഈ സ്‌കൂട്ടറിന് ഇരു വശത്തുനിന്നും സെന്റർ സ്റ്റാൻഡിൽ നിന്നുമുള്ള സഹായമില്ലാതെ സ്വയം ബാലൻസ് ചെയ്ത് ഓടിക്കാൻ കഴിയുമെന്നാണ് കമ്പനി അവകാശപ്പെടുന്നത്. വരാനിരിക്കുന്ന ഓട്ടോ എക്സ്പോ 2023-ൽ പ്രദർശിപ്പിക്കുന്ന മോഡൽ നിർമ്മാണത്തിന് തയ്യാറാണെന്നും സ്‌കൂട്ടറിന്റെ പേര് ഓട്ടോ എക്‌സ്‌പോയിലെ ചടങ്ങിൽ പ്രഖ്യാപിക്കുമെന്നും കമ്പനി അറിയിച്ചു.

നിരവധി ഫീച്ചറുകളാണ് ഇലക്ട്രിക് സ്‌കൂട്ടറിനുള്ളത്. മുൻവശത്ത്, സ്‌കൂട്ടറിന് ഡെൽറ്റ ആകൃതിയിലുള്ള എൽഇഡി ഹെഡ്ലാമ്പ് ഫ്രണ്ട് ആപ്രോണിൽ സ്ഥാനം പിടിക്കുന്നു. അതേസമയം മുകളിൽ മിനുസമാർന്ന എൽഇഡി ഡേ ടൈം റണ്ണിംഗ് ലൈറ്റ് (ഡിആർഎൽ) ഉണ്ട്. ഫ്രണ്ട് കൗളിൽ വൃത്താകൃതിയിലുള്ള എൽഇഡി ടേൺ ഇൻഡിക്കേറ്ററുകളും ഉണ്ട്. ലിഗർ സെൽഫ്-ബാലൻസിങ് ഇലക്ട്രിക് സ്‌കൂട്ടറിന്റെ മറ്റ് ഫീച്ചറുകൾ, ഓൾ-ഡിജിറ്റൽ ഇൻസ്ട്രുമെന്റ് ക്ലസ്റ്റർ, വിശാലവും സൗകര്യപ്രദവുമായ സീറ്റ്, പിന്നിൽ ഗ്രാബ് റെയിൽ, എൽഇഡി ടെയിൽലൈറ്റ്, മുൻവശത്ത് ടെലിസ്‌കോപ്പിക് സസ്‌പെൻഷൻ തുടങ്ങിയവയാണ്.

തദ്ദേശീയമായി വികസിപ്പിച്ച സാങ്കേതിക വിദ്യയാണ് ഇലക്ട്രിക് സ്‌കൂട്ടറിനായി ഉപയോഗിപ്പെടുത്തിയതെന്ന് നിർമ്മാതാക്കൾ അവകാശപ്പെടുന്നു. പരമ്പരാഗത സ്‌കൂട്ടറിനേക്കാളും മികച്ച റൈഡർ സുഖവും സൗകര്യവും ഉറപ്പാക്കുന്നുമുണ്ട് കമ്പനി.