റായ്പൂർ: ഉഗ്ര വ്യാപന ശേഷിയുള്ള സ്ഫോടക വസ്തുവായ ഐഇഡി പൊട്ടിത്തെറിച്ച് സിആർപിഎഫ് ഉദ്യോഗസ്ഥന് പരിക്ക്. എസ്ഐ മുഹമ്മദ് അസ്ലമിനാണ് പരിക്കേറ്റത്. ചണ്ഡിസ്ഗഡിലെ ബിജാപൂർ ജില്ലയിലാണ് സംഭവം.
പെഡഗാപ്പളളി വില്ലേജിലെ ടാരെം പോലീസ് സറ്റേഷൻ പരിധിയിൽ രാവിലെ 8.45-നാണ് സ്ഫോടനം നടന്നത്. സിആർപിഎഫ് 153-ാം ബറ്റാലിയന്റെ റോഡ് ഓപ്പണിംഗ് പാർട്ടിക്ക് പോകുന്നതിനിടയിലാണ് അപകടം സംഭവിച്ചതെന്ന് മുതിർന്ന പോലീസ് ഉദ്യാഗസ്ഥൻ പറഞ്ഞു.
പരിക്കേറ്റ ഉദ്യോഗസ്ഥനെ ബസഗുഡ ആശുപത്രിയിലേക്ക് മാറ്റിയിരിക്കുകയാണ്. അദ്ദേഹത്തിന്റെ ആരോഗ്യ നില തൃപ്തികരമാണെന്ന് മുതിർന്ന പോലീസ് ഉദ്യാഗസ്ഥൻ വ്യക്തമാക്കി. കൂടുതൽ ചികിത്സയ്ക്കായി റായ്പൂരിലേക്ക് വിമാനമാർഗമെത്തിക്കുെമന്നും അദ്ദേഹം കൂട്ടി ചേർത്തു.
Comments