പല വൈറൽ അണുബാധകളുടെയും ഒരു സാധാരണ ലക്ഷണമാണ് ജലദോഷവും ചുമയും. ഇടയ്ക്കിടയ്ക്ക് ജലദോഷവും ചുമയും വരുന്നുണ്ട് എങ്കിൽ പ്രതിരോധി ശേഷി വർദ്ധിപ്പിക്കേണ്ടതുണ്ട്. ശീതകാലം രോഗങ്ങളുടെ കാലമാണ്. എന്നാൽ ഇത് മികച്ച ഭക്ഷണങ്ങളുടെ കാലം കൂടിയാണ്. ചീര പോലെയുള്ള ഇലക്കറികളുടെയും അംല, ഓറഞ്ച് തുടങ്ങിയ പഴങ്ങൾ കഴിക്കുന്നത് നിങ്ങളുടെ പ്രതിരോധശേഷി മെച്ചപ്പെടുത്താനും അണുബാധകളിൽ നിന്ന് നിങ്ങളെ സംരക്ഷിക്കാനും സഹായിക്കും. ഈ തണുപ്പ് കാലത്ത് ആരോഗ്യകരമായ ചേരുവകൾ ഭക്ഷണത്തിൽ നിർബന്ധമായും ചേർക്കേണ്ടതുണ്ട്.
പ്രതിരോധമാണ് സ്വയം പരിരക്ഷിക്കാനുള്ള ഏറ്റവും നല്ല മാർഗം. നല്ല പോഷകാഹാരം, വ്യായാമവും ആവശ്യത്തിന് ഉറക്കം ഇത് നിർബന്ധമാണ്. ഈ തണുപ്പു കാലത്ത് ജലദോഷവും ചുമയും വരാൻ സാധ്യതയേറെയാണ്. ഇതിനെ പ്രതിരോധിക്കാൻ ചില ഭക്ഷണങ്ങൾ കഴിക്കേണ്ടത് അത്യാവശ്യമാണ്. എന്തൊക്കെയാണ് അവ എന്ന് നോക്കാം,
വെളുത്തുള്ളി: ആന്റി ബാക്ടീരിയൽ ഗുണങ്ങളും അല്ലിസിൻ എന്ന സംയുക്തവും വെളുത്തുള്ളിയിൽ ഉണ്ട്. ഇത് അണുബാധകളെ ചെറുക്കാൻ സഹായിക്കുന്നു.
മഞ്ഞൾ ചേർത്ത പാൽ: ജലദോഷത്തിനെതിരെയുള്ള വീട്ടുവൈദ്യമായി അരച്ച മഞ്ഞൾ ലേശം ചേർത്ത പാൽ കുടിക്കാറുണ്ട്. ഇത് പ്രതിരോധശേഷി ഉണ്ടാക്കാൻ സഹായിക്കും. ഇതിൽ കുറച്ച് കുരുമുളക് ചേർത്ത് കുടിക്കുന്നതും നല്ലതാണ്.
തുളസി: ഒരു ഗ്ലാസ് വെള്ളത്തിൽ അൽപം തുളസിയിലകൾ ഇട്ടുവച്ച് രാവിലെ വെറുംവയറ്റിൽ കുടിക്കുന്നത് പ്രതിരോധശേഷി വർദ്ധിപ്പിക്കും. ആന്റി ബാക്ടീരിയൽ ഗുണങ്ങൾ ഏറെയുള്ള ഒന്നാണ് തുളസി.
ബദാം: ബദാമിൽ വൈറ്റമിൻ ഇ ധാരാളമുണ്ട്. ഇത് രോഗപ്രതിരോധ സംവിധാനത്തെ ശക്തിപ്പെടുത്തുന്നു. ജലദോഷവും ചുമയും ഉണ്ടാകുമ്പോൾ ഗുണം ചെയ്യുന്ന ധാതുവായ സിങ്ക് അവയിൽ അടങ്ങിയിട്ടുണ്ട്.
നെല്ലിക്ക: ശീതകാലത്ത് പ്രധാനമായി വളരുന്ന ഫലമാണ് വിറ്റാമിൻ സി ധാരാളമായി അടങ്ങിയ നെല്ലിക്ക. ഇത് മികച്ച പ്രതിരോധശേഷി വർദ്ധിപ്പിക്കുന്നതും ആന്റിഓക്സിഡന്റ് ഗുണങ്ങളുള്ളതുമാണ്. വിറ്റാമിൻ സി പതിവായി കഴിക്കുന്നത് മാക്രോഫേജുകളുടെയും രോഗപ്രതിരോധ വ്യവസ്ഥയുടെ മറ്റ് കോശങ്ങളുടെയും മികച്ച പ്രകടനവുമായി ബന്ധപ്പെട്ടിരിക്കുന്നു.
Comments