ഉണ്ണി മുകുന്ദൻ നായകനായ മാളികപ്പുറം നിറഞ്ഞ സദസ്സിൽ പ്രദർശം തുടരുകയാണ്. റിലീസ് ചെയ്ത് രണ്ടാഴ്ച പിന്നിട്ടപ്പോൾ തന്നെ ചിത്രം അമ്പത് കോടി ക്ലബിൽ ഇടം നേടി. തുടക്ക സമയത്ത് ഉണ്ടായിരുന്നതിനേക്കാൾ തിരക്കാണ് മാളികപ്പുറം കാണാൻ തിയറ്ററുകളിൽ അനുഭവപ്പെടുന്നത്. എങ്ങും ഹൗസ്ഫുൾ ഷോകളുമായി ചിത്രം പ്രദർശനം തുടരുകയാണ്. സാധാരണക്കാരും സെലിബ്രിറ്റികളുമടക്കുള്ളവർ പങ്കുവെച്ച വാക്കുകളിലൂടെയാണ് മാളികപ്പുറം ജനഹൃദയങ്ങളിലേയ്‌ക്ക് എത്തിയത്. ഇപ്പോഴിതാ, ചിത്രത്തെ അഭിനന്ദിച്ച് രംഗത്തു വന്നിരിക്കുകയാണ് മുൻ ഡി.ജി.പി. അലക്സാണ്ടർ ജേക്കബും.
‘ദൈവമേ! ശബരിമലയിൽ കയറി അയ്യപ്പസ്വാമിയെ ദർശിക്കണമെന്ന കല്ലു എന്ന എട്ടുവയസ്സുകാരിയുടെ ആഗ്രഹത്തെക്കുറിച്ചാണ് “മാളികപ്പുറം” പറയുന്നത്. പോസിറ്റീവിറ്റിയുടെ ഒരു പുതിയ ലോകത്തിലൂടെയാണ് ചിത്രം നമ്മെ കൊണ്ടുപോകുന്നത്. കൂടാതെ ഒരു കൊച്ചുകുട്ടിയുടെ ആഗ്രഹം വിധി എങ്ങനെ നിറവേറ്റുന്നുവെന്നും ഇത് കാണിക്കുന്നു. മാളികപ്പുറത്തിൽ അഭിനയിച്ച മുഴുവൻ അഭിനേതാക്കളും അതിശയിപ്പിക്കുന്നു. രണ്ട് കുട്ടികളും വളരെ നന്നായി അഭിനയിച്ചു. ആ കുട്ടികൾ പ്രേക്ഷകരുടെ മനസ്സിനുള്ളിൽ ഒരു മുദ്ര പതിപ്പിച്ചിരിക്കുന്നു’.
‘വാക്കുകൾക്ക് അതീതമായ അഭിനയം. ഉണ്ണിമുകുന്ദന്റെ കരിയറിലെ ഏറ്റവും മികച്ച ചിത്രങ്ങളിലൊന്നായി മാളികപ്പുറത്തെ വിശേഷിപ്പിക്കാം. ആദ്യ പകുതി തീർച്ചയായും ആരുടെയും കണ്ണു നനയിക്കും. രണ്ടാം പകുതി ആക്ഷനും ഭക്തിയും നിറഞ്ഞതാണ്. അപ്രതീക്ഷിതമായ ക്ലൈമാക്സിലൂടെ പ്രേക്ഷകരെ ആകർഷിക്കാനും ചിത്രത്തിന് കഴിഞ്ഞിട്ടുണ്ട്. സിനിമ ഒരു ലളിതമായ ഭക്തി സിനിമയല്ല, മറിച്ച് ഒരുപാട് പോസിറ്റീവിറ്റികളും വികാരങ്ങളും ഉൾക്കൊള്ളുന്ന സിനിമയാണ്. തീർച്ചയായും തിയറ്ററിൽ പോയി കണ്ടിരിക്കേണ്ട സിനിമ. ഭക്തിയുടെയും വ്യത്യസ്ത വികാരങ്ങളുടെയും ഒരു യാത്രയിലൂടെ നിങ്ങളെ കൊണ്ടുപോകും. ഈ ചിത്രം അവതരിപ്പിച്ചതിന് മുഴുവൻ ടീമിനും അഭിനന്ദനങ്ങൾ, ഇത്രയും വലിയൊരു വേഷം ചെയ്തതിന് ഉണ്ണി മുകുന്ദനെ പ്രത്യേകം അഭിനന്ദിക്കുന്നു’ എന്ന് അലക്സാണ്ടർ ജേക്കബ് ഫേയ്സ്ബുക്കിൽ കുറിച്ചു.
