ന്യൂഡൽഹി: അനധികൃത മദ്യക്കടത്ത് സംഘത്തെ പിടികൂടി ഡൽഹി പോലീസ്. സഞ്ജയ് ഗാന്ധി ട്രാൻസ്പോർട്ട് നഗറിൽ നിന്നാണ് അനധികൃത മദ്യം പോലീസ് കണ്ടെടുത്തത്. സംഭവത്തിൽ രണ്ട് പേർ അറസ്റ്റിലായി.
626 കുപ്പികളിലായാണ് മദ്യം ഒളിപ്പിച്ചിരുന്നത്. രഹസ്യ വിവരം ലഭിച്ചതിനെ തുടർന്നായിരുന്നു പോലീസ് പരിശോധന നടത്തിയത്. പുഷ്പ എന്ന തെന്നിന്ത്യൻ സിനിമയിൽ നിന്നും പ്രചോദനം ഉൾക്കൊണ്ടാണ് പ്രതികൾ മദ്യം കടത്താൻ ശ്രമിച്ചതെന്ന് പോലീസ് പറഞ്ഞു. അറസ്റ്റിലായ പ്രതികൾ റിക്ഷാ തൊഴിലാളികളാണ്.
പ്ലാസ്റ്റിക് ഡ്രമ്മിനകത്ത് ഒളിപ്പിച്ച നിലയിലായിരുന്നു മദ്യ കുപ്പികൾ. പ്രതികൾക്കെതിരെ നിയമ നടപടികൾ ആരംഭിച്ചതായി പോലീസ് അറിയിച്ചു.
