യുഎൻ ജനറൽ അസംബ്ലി അദ്ധ്യക്ഷന്റെ ഇന്ത്യൻ സന്ദർശനം; സിസബ കൊറോസിയുമായി കൂടിക്കാഴ്ച നടത്തി എസ് ജയശങ്കർ

ന്യൂഡൽഹി: യുഎൻ ജനറൽ അസംബ്ലി (യുഎൻജിഎ) അദ്ധ്യക്ഷൻ സിസബ കൊറോസിയുമായി കൂടിക്കാഴ്ച നടത്തി വിദേശകാര്യ മന്ത്രി ഡോ എസ് ജയശങ്കർ. തിങ്കളാഴ്ച ന്യൂഡൽഹിയിൽ വച്ചാണ് ഇരുവരും തമ്മിൽ കൂടിക്കാഴ്ച നടത്തിയത്. ചർച്ചയുടെ വിശദാംശങ്ങൾ ട്വിറ്ററിലൂടെ മന്ത്രി അറിയിച്ചു.

Welcomed President of General Assembly Csaba Kőrösi, hosting him for a millet lunch.

Discussed global challenges, UN reform, the Ukraine conflict and G20 agenda.

Assured him of India’s fullest support in developmental progress and reformed multilateralism.@UN_PGA pic.twitter.com/ZdLC48zBxX

— Dr. S. Jaishankar (@DrSJaishankar) January 30, 2023

ആഗോള വെല്ലുവിളികൾ, യുഎൻ പുനഃസംഘടന, യുക്രെയ്ൻ സംഘർഷം, ജി20 ഉച്ചകോടി എന്നിവ ചർച്ച ചെയ്തതായി ഡോ ജയശങ്കർ ട്വീറ്റിൽ പറഞ്ഞു. വികസനപ്രവർത്തനങ്ങളിലെ പുരോഗതിയിലും വിവിധ മേഖലയിലെ പരിഷ്‌കരണ പ്രവർത്തനങ്ങൾക്കും ഇന്ത്യയുടെ പൂർണ പിന്തുണ ഉണ്ടാകുമെന്ന് അദ്ദേഹം സിസബ കൊറോസിയ്‌ക്ക് ഉറപ്പുനൽകി. ഡോ. ജയശങ്കർ അദ്ദേഹത്തിന് മില്ലറ്റ് വിരുന്നും നൽകി.

ത്രിദിന സന്ദർശനത്തിനായി കഴിഞ്ഞ ദിവസമാണ് കൊറോസി ന്യൂഡൽഹിയിലെത്തിയത്. 2022 സെപ്തംബറിൽ യുഎൻജിഎ അധ്യക്ഷനായി ചുമതലയേറ്റ ശേഷമുള്ള കൊറോസിയുടെ ആദ്യ ഇന്ത്യൻ സന്ദർശനമാണിത്.