ഒരിടവേളയ്ക്ക് ശേഷം കൊമേഴ്സ്യല് എന്റര്ടെയിന്മെന്റ് ചിത്രവുമായി ധനുഷിന്റെ മടങ്ങി വരവ്. കഴിഞ്ഞ ഏതാനും നാളുകളായി വളരെ ഗൗരവമായ സിനിമകളുമായി മാത്രം ഭാഗമായിരുന്ന ധനുഷ് ഒരിടവേളയ്ക്ക് ശേഷം കൊമേഴ്സ്യല് ജോണറിലേക്ക് തിരിച്ച് പോകുന്നുവെന്ന പ്രത്യേകതയും ചിത്രത്തിനുണ്ട്.
ആക്ഷനും പ്രണയവും പാട്ടുകളും നിറഞ്ഞ ചിത്രത്തിന്റെ പേര് വാത്തിയെന്നാണ്. ഫെബ്രുവരി 17ന് ശിവരാത്രി റിലീസായാണ് ചിത്രമെത്തുന്നത്. സിനിമയിലെ പാട്ടുകൾ ഇതിനോടകം ഹിറ്റ്ചാര്ട്ടില് ഇടം പിടിച്ചു കഴിഞ്ഞു. വാ വാത്തി എന്ന ഗാനത്തിന്റെ ലിറിക്കല് വീഡിയോ മൂന്നു കോടി കാഴ്ചക്കാരെ ഇതുവരെ നേടി.
ജി.വി പ്രകാശാണ് സംഗീത സംവിധായകന്. വെണ്കി ആറ്റ്ലുരി സംവിധാനം ചെയ്യുന്ന ചിത്രത്തില് മലയാളിയായ സംയുക്താ മേനോനാണ് നായിക. സിത്താര പ്രൊഡക്ഷന്സ് നിര്മ്മിക്കുന്ന ചിത്രം ഫെബ്രുവരി 17ന് സ്കന്ദാ സിനിമാസും ഐന്സ്റ്റിന് മീഡിയയും ചേര്ന്നാണ് കേരളത്തില് വിതരണത്തിനെത്തിക്കുന്നത്.
Comments