കൊച്ചി: ഉണ്ണി മുകുന്ദൻ നായകനായി എത്തിയ സൂപ്പർഹിറ്റ് ചിത്രം മാളികപ്പുറം 100 കോടി ക്ലബ്ബിൽ. ഫേസ്ബുക്കിലൂടെ ഉണ്ണി മുകുന്ദൻ തന്നെയാണ് വിവരം പുറത്തുവിട്ടത്. ഡിസംബർ 30 ന് റിലീസ് ചെയ്ത ചിത്രം കേവലം ഒരു മാസം പിന്നിട്ടപ്പോഴാണ് ഈ നേട്ടം കരസ്ഥമാക്കിയിരിക്കുന്നത്. മാളികപ്പുറം സിനിമയ്‌ക്കായി മുന്നിൽ നിന്നും പിന്നിൽ നിന്നും പ്രവർത്തിക്കുന്നവർക്ക് നന്ദി പറയുന്നതായി ഉണ്ണി മുകുന്ദൻ ഫേസ്ബുക്കിലൂടെ അറിയിച്ചു.
‘നന്ദി. സന്തോഷം. അഭിമാനം. ഈ സിനിമയെ ഹൃദയത്തോട് ചേർത്ത് സ്‌നേഹിച്ചതിന് ഒരുപാട് നന്ദി. എല്ലാ കുടുംബാംഗങ്ങളോടും കുട്ടികളോടും കൂട്ടുകാരോടും പറഞ്ഞാൽ തീരാത്ത നന്ദിയും കടപ്പാടും. അയ്യപ്പാ…. മാളികപ്പുറം സിനിമയിലെ മുന്നിലും പിന്നിലും പ്രവർത്തിച്ച എല്ലാവർക്കും ആശംസകൾ നേരുന്നു’. ഉണ്ണി മുകുന്ദൻ ഫേസ്ബുക്കിൽ കുറിച്ചു.
https://www.facebook.com/IamUnniMukundan/posts/pfbid02i3DbnBFkVDtC5Q8rAfGNNnSqzSTsSfkpPhzgW67V1sH8aVP88pKZaST2RXtbkgYml
3.5 കോടി മുതൽ മുടക്കിൽ നിർമ്മിച്ച ചിത്രം കേരളത്തിലെ തിയറ്ററുകളിൽ നിന്ന് മാത്രം നേടിയത് 40 കോടിയിലേറെയാണ്. ചിത്രത്തിന്റെ ഡബ്ബ് ചെയ്തിറക്കിയ പതിപ്പുകൾ ഇതര സംസ്ഥാനങ്ങലിലും വിദേശത്തും മികച്ച അഭിപ്രായം നേടി പ്രദർശനം തുടരുകയാണ്. ചിത്രത്തെ പ്രശംസിച്ച് തമിഴ്, തെലുങ്ക് സിനിമ മേഖലയിലെ നിരവധിപേർ രംഗത്ത് വന്നിരുന്നു.
ചിത്രം പുറത്തിറങ്ങിയതിന് പിന്നാലെ നിരവധി വിവാദങ്ങളും കടന്നുവന്നു. സിനിമയെ രാഷ്‌ട്രീയമായി ചിത്രീകരിച്ച് പാർശ്വവൽക്കരിക്കാനുള്ള ശ്രമങ്ങൾ നടന്നു. എന്നാൽ ഇതിനെയൊക്കെ അണിയറ പ്രവർത്തകർ സധൈര്യം ഒന്നിച്ച് നേരിടുന്ന കാഴ്ചയാണ് കണ്ടത്.
Comments