ഇസ്ലാമാബാദ്: പാകിസ്താനിൽ വിക്കിപീഡിയ വിലക്കിയെന്ന് റിപ്പോർട്ട്. സൗജന്യമായി ഉപയോഗിക്കാൻ കഴിയുന്ന ഓൺലൈൻ എൻസൈക്ലോപീഡിയയാണ് വിക്കിപീഡിയ. ഇതിൽ മതനിന്ദയുണ്ടാകുന്ന പരാമർശം ഉണ്ടെന്ന് ആരോപിച്ചാണ് പാക് ഭരണകൂടം വിക്കിപീഡിയക്ക് വിലക്ക് ഏർപ്പെടുത്തിയത്.
സൈറ്റിൽ വന്ന വിദ്വേഷ പരാമർശത്തിൽ ശക്തമായ വിയോജിപ്പ് രേഖപ്പെടുത്തിയ പാകിസ്താൻ 48 മണിക്കൂറിനുള്ളിൽ പരാമർശം നീക്കം ചെയ്യണമെന്ന് ആവശ്യപ്പെട്ടു. പാകിസ്താനിലെ ടെലികോം അതോറിറ്റിയുടെതായിരുന്നു ഉത്തരവ്. എന്നാൽ വിക്കിപീഡിയ ഇതിന് തയ്യാറാകാതെ വന്നതോടെ സൈറ്റ് നിരോധിക്കുകയായിരുന്നു.
വിദ്വേഷ പരാമർശം നീക്കം ചെയ്താൽ സൈറ്റ് പുനഃസ്ഥാപിക്കുന്നത് പരിഗണിക്കുമെന്നാണ് പാകിസ്താന്റെ നിലപാട്. മതനിന്ദയുടെ പേരിൽ മുമ്പും പല സോഷ്യൽ മീഡിയ പ്ലാറ്റ്ഫോമുകളും പാകിസ്താനിൽ നിരോധിച്ചിട്ടുണ്ട്.
Comments