ലഖ്നൗ : ഉത്തർപ്രദേശിലെ ലഖ്നൗവിൽ വിഎഫ്എസ് ഗ്ലോബൽ വിസ അപേക്ഷാ കേന്ദ്രം മുഖ്യമന്ത്രി യോഗി ആദിത്യനാഥ് ഉദ്ഘാടനം ചെയ്തു. സരോജിനി നഗർ നിയമസഭാ എം.എൽ.എ രാജേശ്വർ സിങ്ങും ഉദ്ഘാടനത്തിൽ പങ്കെടുത്തു. ലോകത്തുടനീളമുള്ള സർക്കാരുകളുടെ ഔദ്യേഗിക ദൗത്യങ്ങൾ നിറവേറ്റുന്നതിനുള്ള ഒരു സാങ്കേതിക സേവന കമ്പനിയാണ് വിഎഫ്എസ്.
വിവിധ രാജ്യങ്ങളിലേക്കുള്ള വിസയ്ക്ക് അപേക്ഷിക്കുന്ന ആളുകൾക്ക് ഏറ്റവും സൗകര്യപ്രഥമായി വിസ ലഭ്യമാക്കാൻ കഴിയുന്നു എന്നതാണ് വിഎഫ്എസ് വിസ അപേക്ഷാ കേന്ദ്രത്തിന്റെ സവിശേഷത. ഫെബ്രുവരി 9 മുതൽ ഓസ്ട്രിയ, ചെക്ക് റിപ്പബ്ലിക്, പോർച്ചുഗൽ, സ്വിറ്റ്സർലൻഡ്, നെതർലാൻഡ്, ക്രൊയേഷ്യ, ഇറ്റലി, സൗദി അറേബ്യ, ഹംഗറി, ജർമ്മനി എന്നീ രാജ്യങ്ങളിലേക്കുള്ള വിസ അപേക്ഷകൾ സ്വീകരിക്കാൻ തുടങ്ങുമെന്ന് അധികൃതർ അറിയിച്ചു.
വിഎഫ്എസ് ഗ്ലോബൽ വിസ അപേക്ഷാ കേന്ദ്രം പ്രവർത്തനം ആരംഭിക്കുന്നതോടെ ജനങ്ങൾക്ക് അപേക്ഷിക്കുന്നതിന് ഡൽഹിയിൽ പോകേണ്ടിവരില്ലെന്ന് വിഎഫ് എസ് വൃത്തങ്ങൾ പറഞ്ഞു.
Comments