ഒഡീഷ: ഭാരതത്തിന്റെ വാനമ്പാടി ലതാ മങ്കേഷ്കറിന്റെ ഓർമ്മക്ക് ഇന്ന് ഒരു വയസ്സ്. ലതാ മങ്കേഷ്കറിന്റെ ഒന്നാം ചരമ വാർഷികത്തിൽ കലയിലൂടെ ആദരാഞ്ജലി അർപ്പിച്ച് ഒരു ആരാധകൻ. പ്രശസ്ത സാന്റ് ആർട്ടിസ്റ്റ് സുദർശൻ പട്നായക് ആണ് മണലിൽ ഇഷ്ടഗായികയുടെ ചിത്രം വരച്ച് ആദരാഞ്ജലി അർപ്പിച്ചത്.
ഒഡീഷയിലെ പുരി ബീച്ചിലാണ് ലതാ മങ്കേഷ്കറിന്റെ മണൽ രൂപം പട്നായക് നിർമ്മിച്ചത്. ആറടിയോളം വലിപ്പമുള്ള രൂപത്തിൽ മേരി ആവാസ് ഹി പെഹചാൻ ഹേ എന്ന് എഴുതിയാണ് ചിത്രം പൂർത്തീകരിച്ചിരിക്കുന്നത്. ഒരു ഗ്രാമഫോണിനുള്ളിൽ ലതാ മങ്കേഷ്കറിന്റെ മുഖം ആലേപനം ചെയ്താണ് മണൽ രൂപത്തിന്റെ നിർമ്മാണം.
ആരാധകൻ സുദർശൻ പട്നായകിന്റെ പ്രിയ ഗാനത്തിന്റെ വരിയാണ് മണൽ രൂപത്തിൽ എഴുതി ചേർത്തിരിക്കുന്നത്. അതിനൊപ്പം ട്രിബ്യൂട്ട് റ്റു ഭാരത് രത്ന ലതാജി എന്നുകൂടി ചേർത്തിട്ടുണ്ട്.
Comments