ഹവാന: ഇന്ത്യക്കാർക്ക് ക്യൂബയുമായി ബന്ധപ്പെട്ട വാണിജ്യ വ്യാപാര സഹായം ലഭ്യമാക്കുമെന്ന് ഐസിഎൽ ഫിൻകോർപ് സിഎംഡി അഡ്വ. കെ. ജി. അനിൽകുമാർ. പ്രവാസി വ്യവസായികൾക്ക് ക്യൂബയിൽ വാണിജ്യ വ്യവസായ സംരംഭങ്ങൾ ആരംഭിക്കാൻ വേണ്ട സഹായങ്ങൾ നൽകുമെന്ന് ക്യൂബയുടെ ഇന്ത്യയിലെ പുതിയ ട്രേഡ് കമ്മീഷണർ ആയി നിയമിതനായ അനിൽകുമാർ അറിയിച്ചു. ക്യൂബയിൽ വാണിജ്യരംഗത്ത് വലിയ സാദ്ധ്യതകളുണ്ടെന്നും അത് പ്രയോജനപ്പെടുത്താൻ ഇന്ത്യൻ വ്യവസായികൾ മുന്നോട്ട് വരണമെന്നും അദ്ദേഹം പറഞ്ഞു. അതിന് അനുയോജ്യമായ സംവിധാനങ്ങൾ ദുബായിലും ഇന്ത്യയിലും ഏർപ്പാടാക്കിയിട്ടുണ്ടെന്ന് അദ്ദേഹം കൂട്ടിച്ചേർത്തു.
15 വർഷത്തിനുള്ളിൽ 1,400 മില്ല്യൺ ഡോളറിന്റെ തൊഴിലവസരങ്ങൾ ഇന്ത്യക്കാർക്ക് ക്യൂബയിൽ ഒരുക്കിക്കൊടുക്കുമെന്നും അദ്ദേഹം സൂചിപ്പിച്ചു. ക്യൂബയിലെ വ്യവസായികൾക്ക് ഇന്ത്യയിലും ഇന്ത്യയിലെ വ്യവസായികൾക്ക് ക്യൂബയിലും വ്യവസായ സംരംഭങ്ങൾ ആരംഭക്കുന്നതിനുള്ള സൗകര്യം ഏർപ്പെടുത്തുവാൻ ശ്രമിക്കുമെന്നും അദ്ദേഹം പറഞ്ഞു. ദുബായ് പൗരാവലിയുടെ സ്വീകരണത്തിൽ സംസാരിക്കുകയായിരുന്നു അദ്ദേഹം.
ദുബായ് പോലീസ് ഹെഡ് ക്വാർട്ടേഴ്സ് എന്റർടൈൻമെന്റ് വിഭാഗത്തിലെ കേണൽ അബ്ദുള്ള മുഹമ്മദ് അൽ ബലൂഷി,ഐപിഎഫ് ഫൗണ്ടറും മലബാർ ഗോൾഡ് എക്സിക്യൂട്ടീവ് ഡയറക്ടറുമായ എ. കെ. ഫൈസൽ, അറബ് വ്യാപാര പ്രമുഖൻ സ്വാലിഹ് അൽ അൻസാരി, എമറാത്തി ഗായകൻ മുഹമ്മദ് അൽ ബഹറൈനി എന്നിവർ ചടങ്ങിൽ മുഖ്യാതിഥികൾ ആയിരുന്നു.
Comments