കോൺഗ്രസിനെ രൂക്ഷമായി വിമർശിച്ച് സംവിധായകൻ വിവേക് അഗ്നിഹോത്രി. 2011 മുതൽ 2014 വരെയുള്ള കോൺഗ്രസ് കാലഘട്ടം അഴിമതി നിറഞ്ഞതായിരുന്നു. ഇന്ത്യയുടെ താൽപ്പര്യങ്ങളെ അവർ വിറ്റു. ശത്രുക്കളുടെ ഭാഷയായിരുന്നു കോൺഗ്രസിന്റേതെന്ന് വിവേക് അഗ്നിഹോത്രി തുറന്നടിച്ചു. കോൺഗ്രസ് ഭരണകാലത്തിന് സമാനമാണ് ഇപ്പോഴത്തെ ബോളിവുഡ് എന്നും സംവിധായകൻ കൂട്ടിച്ചേർത്തു. തിങ്ക് എഡ്യു കോൺക്ലേവിൽ സംസാരിക്കുകയായിരുന്നു അദ്ദേഹം.
‘2011 മുതൽ 2014 വരെയുള്ള കോൺഗ്രസ് ഭരണ കാലഘട്ടം അഴിമതി നിറഞ്ഞതായിരുന്നു. അഹങ്കാരവും നികൃഷ്ടവും തീർത്തും ഉദാസീനവും അത്യാഗ്രഹവുമായ ഭരണ കാലഘട്ടമായിരുന്നു അത്. ഇന്ത്യൻ താൽപ്പര്യങ്ങളെ അവർ വിൽക്കാൻ തയ്യാറായിരുന്നു. എപ്പോഴും ശത്രുക്കളുടെ ഭാഷയിലായിരുന്നു അവർക്ക്. ഇന്ത്യയുടെ ആശങ്കകളുമായി യാതൊരു ബന്ധവുമില്ല, അതായിരുന്നു കോൺഗ്രസ്സ്. ഇതാണ് ഇന്നത്തെ ബോളിവുഡും’.
‘ബോളിവുഡിലെ 10 മികച്ച താരങ്ങളോ സംവിധായകരോ നിർമ്മാതാക്കളോ ഇന്ത്യൻ സംസ്കാരത്തെ ബഹുമാനിക്കുന്നില്ല. ഇന്ത്യൻ ധാർമ്മികതയെയോ ഇന്ത്യൻ സമൂഹത്തെയോ അവർ പ്രതിനിധീകരിക്കുന്നില്ല. അതുകൊണ്ടാണ് താൻ ബോളിവുഡിന് അനിയോജ്യനല്ല എന്ന് അവർക്ക് തോന്നിയത്. എന്റെ വാക്കുകളിലും എന്റെ ശരീരത്തിലെ ഓരോ രോമങ്ങളിൽ പോലും ഇന്ത്യൻ സംസ്കാരവും ചിന്തകളും പ്രകടമാണ്. അതുകൊണ്ട് തന്നെ ഞാൻ അവരുടെ ഭാഗമല്ല’ എന്ന് വിവേക് അഗ്നിഹോത്രി പറഞ്ഞു
