തിരുച്ചിറപള്ളി: സ്വർണവും ഇലക്ട്രോണിക് ഉപകരണങ്ങളും കടത്താൻ ശ്രമിച്ചയാൾ ട്രിച്ചി വിമാനത്താവളത്തിൽ പിടിയിൽ. ദുബായിൽ നിന്നും വന്ന ഇൻഡിഗോ വിമാനത്തിലെ യാത്രക്കാരനിൽ നിന്നുമാണ് സ്വർണ്ണവും ഇലക്ട്രോണിക് ഉപകരണങ്ങളും പിടികൂടിയത്. 52 ലക്ഷം രൂപ വിലമതിക്കുന്ന സ്വർണവും ഇലക്ടോണിക് ഉപകരണങ്ങളുമാണ് കസ്റ്റംസ് പിടികൂടിയത്.
ഇയാളുടെ പക്കിൽ നിന്ന് സ്വർണത്തിന് 47,67,198 ലക്ഷം രൂപയും ഇലക്ട്രോണിക് ഉപകരണങ്ങൾക്ക് 4,25,000 രൂപയും വിലമതിക്കും.
839 ഗ്രാം ഭാരമുള്ള 24 കാരറ്റ് പരിശുദ്ധിയുള്ള സ്വർണമാണ് പിടികൂടിയത്. ഇതിൽ 745 ഗ്രാം ഭാരമുള്ള സ്വർണം പേസ്റ്റ് രൂപത്തിലാക്കി അടിവസ്ത്രത്തിലും ഇലക്ട്രോണിക് ഉപകരണങ്ങളിലും ഒളിപ്പിച്ച നിലയിലായിരുന്നു. ശേഷിക്കുന്നവ ലഗേജുകളിലും ഒളിപ്പിച്ചു.
കഴിഞ്ഞ മാസവും സമാനരീതിയിൽ സംഭവമുണ്ടായിരുന്നു. വിമാനത്താവളത്തിൽ വന്നിറങ്ങിയ യുവാവിന്റെ പക്കിൽ നിന്ന് 10,000 യുഎസ് ഡോളറിന്റെ വിദേശ കറൻസി കസ്റ്റംസ് പിടിച്ചെടുത്തിരുന്നു. ഇതും അടിവസ്ത്രത്തിൽ ഒളിപ്പിച്ച നിലയിലായിരുന്നു. ഇതേ തുടർന്ന് വിമാനത്താവളത്തിൽ കസ്റ്റംസ് പരിശോധന ശക്തമാക്കിയിട്ടുണ്ട്.
