ഓസ്ട്രേലിയയ്ക്കെതിരായ ആദ്യത്തെ ടെസ്റ്റ് മത്സരത്തിൽ ഓൺ ഫീൽഡ് അമ്പയറെ അറിയിക്കാതെ ചൂണ്ടുവിരലിൽ ക്രീം പുരട്ടിയതിന് രവീന്ദ്ര ജഡേജയ്ക്ക് ഐസിസി പിഴ ചുമത്തിയിരുന്നു. സംഭവം സോഷ്യൽ മീഡിയയിൽ ഏറെ ചർച്ചയാവുകയും ചെയ്തു. ഇതിന്റെ പശ്ചാത്തലത്തിൽ ജഡേജയുടെ ക്രീം പുരട്ടൽ വിഷയം ഡൂഡിലായി അവതരിപ്പിച്ചിരിക്കുകയാണ് അമൂൽ.
അമൂൽ പെൺകുട്ടിയുടെ അരികിൽ നിന്നുകൊണ്ട് ഇന്ത്യൻ ഓൾറൗണ്ടർ തന്റെ വിരലിൽ തഴുകുന്ന ചിത്രമാണ് അമൂൽ പങ്കുവെച്ചത്. ‘വിഷയം: പന്തിൽ ക്രീം പുരട്ടിയതിന് സ്റ്റാർ ഇന്ത്യൻ ഓൾറൗണ്ടർക്ക് പിഴ’ എന്നാണ് ചിത്രത്തിന് നൽകിയിരിക്കുന്ന അടിക്കുറിപ്പ്.
സംഭവത്തിൽ ജഡേജക്ക് ഡീമെറിറ്റ് പോയിന്റ് നൽകുകയും ചെയ്തിരുന്നു. ഇന്ത്യ- ഓസ്ട്രേലിയ ആദ്യ ടെസ്റ്റ് പരമ്പരയിലെ ആദ്യ മത്സരത്തിലായിരുന്നു സംഭവം. ക്രിക്കറ്റ് താരങ്ങൾ പാലിക്കേണ്ട ആർട്ടിക്കിൾ 2.20 പാലിക്കാത്തതിലാണ് ജെഡേജക്ക് ഐസിസി പിഴ ചുമത്തിയത്. ഇത് സംബന്ധിച്ച വിവരങ്ങൾ ഐസിസിയുടെ ഒഫീഷ്യൽ വെബ്സൈറ്റിലൂടെയാണ് പുറത്തുവിട്ടത്.
Comments