ഏറ്റവും പുതിയ ബുക്കിംഗ്-വിൽപ്പന കണക്കുകൾ പുറത്തിറക്കി മഹീന്ദ്ര ആൻഡ് മഹീന്ദ്ര. എസ്‌യുവികൾക്കായുള്ള ഡെലിവറികളുടെയും ബുക്കിംഗുകളുടെയും കണക്കുകളാണ് പുറത്തുവിട്ടിരിക്കുന്നത്. സ്‌കോർപിയോ എൻ, XUV700, ഥാർ തുടങ്ങിയ എസ്‌യുവികൾ വൻ ഡിമാൻഡോടെയാണ് വിൽപ്പന തുടരുന്നത്. ഉയർന്ന ഡിമാൻഡുകൾ നേരിടാൻ കമ്പനി ഇപ്പോഴും പാടുപെടുകയാണെന്നും, ഇത് ഇനിയും ഡെലിവറി ചെയ്യാനിരിക്കുന്ന കാറുകളുടെ എണ്ണത്തിൽ പ്രതിഫലിക്കുന്നുവെന്നുമാണ് റിപ്പോർട്ടുകൾ.
മഹീന്ദ്ര ഏകദേശം 2.66 ലക്ഷം എസ്‌യുവികളാണ് വിതരണം ചെയ്യുന്നത്. XUV300, XUV400 ഇലക്ട്രിക് എസ്യുവി, സ്‌കോർപിയോ ക്ലാസിക്, ബൊലേറോ, ബൊലേറോ നിയോ എന്നിവയും ഉൾപ്പെടുന്ന മോഡലുകൾക്കായി 50,000-ത്തിലധികം ബുക്കിംഗുകൾ ശേഖരിക്കുന്നത് തുടരുകയാണ്. നിലവിൽ മഹീന്ദ്രയിൽ നിന്ന് ഏറ്റവും കൂടുതൽ ആവശ്യപ്പെടുന്ന മോഡലാണ് സ്‌കോർപിയോ എസ്‌യുവികൾ എന്നാണ് റിപ്പോർട്ട്. നിലവിൽ പ്രതിമാസം 16,500 എസ്‌യുവികൾക്കായി ബുക്കിംഗ് നടത്തുന്നുണ്ട്.
കഴിഞ്ഞ വർഷം ജൂണിലാണ് സ്‌കോർപിയോ-എൻ പുറത്തിറങ്ങിയത്. പഴയ സ്‌കോർപിയോയുടെ പുതിയ തലമുറ രൂപമാണ് ഇത്. 2021ൽ പുറത്തിറക്കിയ മഹീന്ദ്രയുടെ മുൻനിര മോഡലായ XUV700, എല്ലാ മാസവും ഏകദേശം 10,000 യൂണിറ്റുകൾ ബുക്ക് ചെയ്യുന്നതിലൂടെ വാങ്ങുന്നവരിൽ നിന്ന് ശ്രദ്ധ ആകർഷിക്കുന്നു. 4X4, RWD ഓപ്ഷനുകളിൽ വാഗ്ദാനം ചെയ്യുന്ന Thar SUV, പ്രതിമാസം 4,600 ബുക്കിംഗുകൾ നേടുന്നു. എന്നിരുന്നാലും, ഏകദേശം 37,000 ഉപഭോക്താക്കൾ അവരുടെ താർ ഡെലിവറി ലഭിക്കാൻ ഇപ്പോഴും കാത്തിരിക്കുകയാണ്.
