നാട്ടു നാട്ടു…ചുവടുവെച്ച് മോഹൻലാലും സുചിത്രയും; കൈയടിച്ച് ആരാധകർ; വീഡിയോ വൈറൽ

അസാമാന്യ മെയ് വഴക്കമുള്ള ഡാൻസറാണ് മോഹൻലാൽ എന്ന കാര്യത്തിൽ ആർക്കും സംശയമില്ല. എന്നാൽ ‘നാട്ടു നാട്ടു’ എന്ന ഗാനത്തിന്റെ അകമ്പടിയൊടെ ഭാര്യ സുചിത്രയ്‌ക്കൊപ്പം ചുവടുവെക്കുന്ന മോഹൻലാലിന്റെ ദൃശ്യങ്ങളാണ് ഇപ്പോൾ സമൂഹ മാദ്ധ്യമങ്ങളിൽ വൈറലായിരിക്കുന്നത്. മുന്നോരുക്കങ്ങളില്ലാതെ വിവാഹ വേദിയിലാണ് താരം ഭാര്യയ്‌ക്കൊപ്പം നൃത്തം ചെയ്യുന്നത്.

ആർ ആർ ആർ എന്ന ചിത്രത്തിൽ ജൂനിയർ എൻടിആറും രാംചരണും മത്സരിച്ച് ചെയ്യുന്ന നൃത്തച്ചുവടുകൾ സിനിമയുടെ തന്നെ മുഖ്യ ആകർഷണമാണ്. മോഹൻലാൽ ഫാൻസ് അസോസിയേഷന്റെ ട്വീറ്റർ ഹാൻഡിലിലാണ് വീഡിയോ പങ്ക് വെച്ചിരിക്കുന്നത്. സദസിനെ അമ്പരപ്പിച്ചുകൊണ്ടുള്ള രീതിയിലായിരുന്നു താരത്തിന്റെ പെർഫോമൻസ്.

Age 62 😎🔥

Lalettan shaking legs for #NattuNattu without any much practice 😍😍😍😍#Mohanlal @Mohanlal @tarak9999 @ssrajamouli @mmkeeravaani @AlwaysRamCharan pic.twitter.com/4hDzNcG2fA

— Mohanlal Fans Club (@MohanlalMFC) February 15, 2023

ദിവസങ്ങൾക്ക് മുൻപ് ബോളിവുഡ് താരം അക്ഷയ് കുമാറിനൊപ്പമുള്ള മോഹൻലാലിന്റെ ഡാൻസ് വിഡിയോയും വൈറലായിരുന്നു.
രാജസ്ഥാനിലെ കല്യാണ ചടങ്ങിലാണ് നടൻമാർ ഭാംഗ്റ നൃത്തമാടിയത്. അക്ഷയ് കുമാർ തന്നെയാണ് വീഡിയോ ട്വിറ്ററിൽ പങ്കുവെച്ചിരുന്നത് ‘നിങ്ങളോടൊപ്പമുള്ള ഈ നൃത്തം ഞാൻ എന്നേക്കും ഓർക്കും മോഹൻലാൽ സാർ. തികച്ചും അവിസ്മരണീയമായ നിമിഷം’, എന്നായിരുന്നു അക്ഷയ് കുമാർ കുറിച്ചത്.