ചെന്നൈ : രാഷ്ട്രപതിയുടെ ദ്വിദിന സന്ദർശനത്തിന്റെ ഭാഗമായി മധുരയിൽ സുരക്ഷാ ക്രമീകരണങ്ങൾ ശക്തമാക്കിയതായി പോലീസ്. ഫെബ്രുവരി 18-19 തിയതികളിലായാണ് രാഷ്‌ട്രപതി ദ്രൗപദി മുർമു തമിഴ്‌നാട്ടിലെത്തുക. മധുര മീനാക്ഷി ക്ഷേത്ര ദർശനവും രാഷ്‌ട്രപതി നടത്തുന്നുവെന്നത് സന്ദർശനത്തിന്റെ പ്രത്യേകതയാണ്.
സുരക്ഷ ക്രമീകരണങ്ങളോടനുബന്ധിച്ച് രാഷ്‌ട്രതിയുടെ സുരക്ഷ ഉദ്യോഗസ്ഥ സംഘം മധുരയിലെത്തി പരിശേധന നടത്തി. രാഷ്ട്രപതിയുടെ ക്ഷേത്ര ദർശനവുമായി ബന്ധപ്പെട്ട് ജില്ലാ കളക്ടറുൾപ്പടെ എല്ലാ വകുപ്പ് ഉദ്യോഗസ്ഥരുമായി യോഗത്തിൽ സംവദിച്ചിരുന്നു. ക്ഷേത്ര ദർശനത്തിന് ശേഷം രാഷ്‌ട്രപതി അന്നദാന ചടങ്ങുകളിലും സന്നിഹിതയായിരിക്കുമെന്ന് അധികൃതർ അറിയിച്ചു.
സുരക്ഷാ ക്രമീകരണങ്ങൾ ശക്തമാക്കിയതോടെ മധുരയിലെ ഹോട്ടലുകളിൽ താമസിക്കുന്നവരുടെയടക്കം വിവരങ്ങൾ ശേഖരിക്കുന്നുണ്ട്. കൂടാതെ റെയിൽവേ സ്‌റ്റേഷനിലും വിമാനത്താവളത്തിലുമുൾപ്പടെ സുരക്ഷാ പരിശോധനകൾ ശക്തമാക്കിയിട്ടുണ്ട്. സുരക്ഷ കർശനമാക്കുന്നതിന്റെ ഭാഗമായി ഫെബ്രുവരി 18-19 തിയതികളിൽ മധുരയിൽ ഡ്രോണുകൾ പറത്തുന്നതും നിരോധിച്ചിട്ടുണ്ട്.
