ലോകമെമ്പാടുമുള്ള സിനിമാ പ്രേക്ഷകർ ആകാംക്ഷയോടെ കാത്തിരിക്കുന്ന ചിത്രമാണ് കീനു റീവ്സ് ടൈറ്റിൽ വേഷത്തിലെത്തുന്ന ആക്ഷൻ ത്രില്ലർ ‘ജോൺ വിക്ക്: നാലാം ഭാഗം’. ചിത്രത്തിന്റെ ട്രെയിലർ അണിയറ പ്രവർത്തകർ പുറത്തിറക്കി. ചാഡ് സ്റ്റാഹെൽസ്കി സംവിധാനം ചെയ്യുന്ന ചിത്രം 2019-ൽ റിലീസ് ചെയ്ത ജോൺ വിക്ക് പാരബെല്ലത്തിന്റെ തുടർച്ചയാണ്.
2021 ജൂൺ മുതൽ ഒക്ടോബർ വരെ ബെർലിൻ, പാരീസ്, ഒസാക്ക, ന്യൂയോർക്ക് സിറ്റി എന്നിവിടങ്ങളിൽ ചിത്രീകരണം നടന്നിരുന്നു. എന്നാൽ, കൊറോണ പ്രതിസന്ധികളെ തുടർന്ന് സിനിമയുടെ ചിത്രീകരണം വൈകുകയായിരുന്നു. ജോൺ വിക്ക് ഫ്രാഞ്ചൈസികളിൽ ഏറ്റവും ദൈർഘ്യമേറിയ ചിത്രം കൂടിയാണിത്.
169 മിനിറ്റാണ് ജോൺവിക്ക് 4-ന്റെ ദൈർഘ്യം. കീനു റീവ്സിനും ലോറൻസ് ഫിഷബേണിനുമൊപ്പം ഡോണി യെൻ, സ്കോട്ട് ആഡ്കിൻസ് തുടങ്ങിയ സൂപ്പർതാരങ്ങളും നാലാം ഭാഗത്തിൽ പ്രത്യക്ഷപ്പെടുന്നു. ചിത്രം ഈ വർഷം മാർച്ച് 24-ന് തിയറ്ററുകളിലെത്തും.
Comments