ശ്രീനഗർ: ജമ്മുവിലേക്കും ശ്രീനഗറിലേക്കും 200 ഇലക്ട്രിക് ബസുകൾ നൽകാൻ തീരുമാനം. ഇരു തലസ്ഥാനങ്ങളിലെയും ഗതാഗതം സുഗമമാക്കുന്നതിനും സമൂഹികവും സുസ്ഥിരവുമായ ഗതാഗതം ഉറപ്പുവരുത്തുന്നതിനുമാണ് നീക്കം. പദ്ധതി നടപ്പിലാക്കുന്നതിന്റെ ഭാഗമായി ഡിപ്പോ നിർമ്മിക്കുന്നതിന് ടാറ്റാ മോട്ടോഴ്സിന് സ്ഥലം നൽകി.
രണ്ട് തലസ്ഥാന നഗരങ്ങൾക്കും 100 ഇലക്ട്രിക് ബസുകൾ വീതമാണ് നൽകുക. ജമ്മു സ്മാർട്ട് സിറ്റി ലിമിറ്റഡിന്റെ സിഇഒ രാഹുൽ യാദവ് പദ്ധതി അവലോകനം ചെയ്തു. ഇലക്ട്രിക് ബസുകൾ നഗരത്തിലെ പരിസ്ഥിതി, സാമൂഹിക, സാമ്പത്തിക മേഖലകളിൽ വലിയ മാറ്റം കൊണ്ടുവരുമെന്ന് അദ്ദേഹം പറഞ്ഞു. അതേസമയം, വിനോദസഞ്ചരികൾക്കും പ്രദേശവാസികൾക്കും യാത്ര ചെയ്യുന്നതിന് ഇലക്ട്രിക് ബസുകൾ വരും കാലങ്ങളിൽ നിർണ്ണായക പങ്ക് വഹിക്കുമെന്നും അദ്ദേഹം വ്യക്തമാക്കി.
Comments