ന്യൂഡൽഹി: ഇന്ത്യൻ പ്രീമിയർ ലീഗിന്റെ വരാനിരിക്കുന്ന സീസണിൽ മഹേന്ദ്ര സിംഗ് ധോണി ചെന്നൈ സൂപ്പർ കിംഗ്സിന് (സിഎസ്കെ) വേണ്ടി
കളത്തിലിറങ്ങും. എന്നാൽ ആരാധകർക്ക് ആവേശം തരുന്ന വാർത്തക്കൊപ്പം ഈ സീസണോടെ ധോണി ലീഗിൽനിന്നും വിരമിക്കുമോ എന്ന ആകാംഷയും ആരാധകർക്കുണ്ട്. നിലവിൽ പതിനാറാം സീസണിന്റെ ഷെഡ്യൂൾ ബിസിസിഐ പ്രഖ്യാപിച്ച് കഴിഞ്ഞു. ഇതിനിടെ താരം പരിശീലനം തുടങ്ങിയെന്ന റിപ്പോർട്ടുകളും പുറത്തുവരുന്നുണ്ട്.
ഉദ്ഘാടന മത്സരത്തിൽ നിലവിലെ ചാമ്പ്യൻമാരയ ഗുജറാത്ത് ടൈറ്റൻസുമായി നാല് തവണ ജേതാക്കളായ സിഎസ്കെ അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ഏറ്റുമുട്ടും. പതിനാറാം സീസൺ ധോണി കളിക്കുമോ എന്നത് ചെന്നൈ താരങ്ങളെ വലച്ചിരുന്ന ചോദ്യമായിരുന്നു. എന്നാൽ സീസൺ തുടങ്ങാൻ ഇരിക്കുന്ന വേളയിൽ താൻ തിരിച്ചുവരുമെന്ന് ചെന്നൈ നായകൻ അറിയിച്ചിരുന്നു. ഇതോടെ സഹതാരങ്ങളും ആവേശത്തിലാവുകയായിരുന്നു.
എന്നാൽ ധോണിയുടെ അവസാന സീസണാകും ഇത്തവണത്തെ ഐപിഎല്ലെന്ന് ഇതിഹാസ ഓസ്ട്രേലിയൻ ഓപ്പണർ മാത്യു ഹെയ്ഡൻ പറഞ്ഞു. നാൽപ്പൊന്നുകാരനായ ധോണി അന്താരാഷ്ട്ര ക്രിക്കറ്റിൽനിന്നും ടെസ്റ്റ് ക്രിക്കറ്റിൽനിന്നും വിരമിച്ചത് മുന്നറിയിപ്പുകൾ ഒന്നും ഇല്ലാതെ ആയിരുന്നു. മാത്രവുമല്ല സിഎസ്കെയിൽ മുമ്പ് ധോണിയ്ക്കൊപ്പം കളിച്ചിട്ടുള്ള ഹെയ്ഡൻ, വരാനിരിക്കുന്ന സീസൺ തന്റെ അവസാന സീസണായിരിക്കുമെന്ന് പറഞ്ഞുകഴിഞ്ഞു. അതുകൊണ്ട് തന്നെ ചെന്നൈ നായകന്റെയും ഐപിഎൽ കരിയറിന്റെ അവസാനമായിരിക്കും എന്ന് ഞാൻ കരുതുന്നുവെന്നും മാത്യു ഹെയ്ഡൻ പറഞ്ഞു.
