ന്യൂഡൽഹി: മധ്യപ്രദേശിൽ ഭൂചലനം രേഖപ്പെടുത്തിയതായി റിപ്പോർട്ട്. റിക്ടർ സ്‌കെയിലിൽ 3.0 തീവ്രതയിലാണ് ഭൂചലനം രേഖപ്പെടുത്തിയത്. ഇൻഡോറിന് തെക്കുപടിഞ്ഞാറ് സ്ഥിതിചെയ്യുന്ന ധാറാണ് ഭൂചലനത്തിന്റെ പ്രഭവകേന്ദ്രം. 10 കിലോ മീറ്റർ ആഴത്തിൽ രേഖപ്പെടുത്തിയ ഭൂചലനം ഉച്ചയ്‌ക്ക് ഒരു മണിയോടെയാണ് സംഭവിച്ചതെന്ന് നാഷണൽ സെന്റർ ഫോർ സീസ്‌മോളജി അറിയിച്ചു.
ആന്ധ്രാപ്രദേശിലും നേരിയ തോതിലുള്ള ഭൂചലനം രേഖപ്പെടുത്തി. 3.4 സെക്കൻഡുകൾ നീണ്ട ചലനത്തിൽ ആളപായമില്ല. ആന്ധ്രയിലെ നന്ദിഗ്രാമിലായിരുന്നു ഭൂചലനം ഉണ്ടായത്. കഴിഞ്ഞ ദിവസം രാവിലെ 7.13-നായിരുന്നു ഭൂചലനം. തുടർന്ന് പ്രദേശവാസികൾ പരിഭ്രാന്തിയിലാവുകയും വീടുകളിൽ നിന്ന് തെരുവുകളിലേക്ക് ഓടുകയും ചെയ്തിരുന്നു.
Comments