ന്യൂഡൽഹി: രണ്ട് ദിവസത്തെ സന്ദർശനത്തിനായി ജർമ്മൻ ചാൻസലർ ഒലാഫ് ഷോൾസ് ഇന്ത്യയിലെത്തും. ഈ പദവിയിലെത്തിയ ശേഷമുള്ള അദ്ദേഹത്തിന്റെ ആദ്യ ഭാരത സന്ദർശനമാണിത്. ഫെബ്രുവരി 25,26 തിയ്യതികളിലാണ് സന്ദർശനം നടക്കുന്നത്.
സന്ദർശനത്തിൽ ഉഭയകക്ഷി, പ്രാദേശിക, ആഗോളവിഷയങ്ങളുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിയും ഒലാഫും ചർച്ച നടത്തും. ഈ സന്ദർശനത്തിന്റെ ഭാഗമായി ഇരുരാജ്യങ്ങളിലേയും സുരക്ഷയും പ്രതിരോധസഹകരണം സാമ്പത്തിക ബന്ധം ശാസ്ത്ര സാങ്കേതിക ബന്ധം എന്നിവയിൽ കാര്യക്ഷമമായ പുരോഗതി കൈവരിക്കുമെന്ന് വിദേശകാര്യ മന്ത്രാലയം അറിയിച്ചു.
മുതിർന്ന ഉദ്യോഗസ്ഥരും ബിസിനസ് ഡേലിഗേറ്റ്സും ഒലാഫിനൊപ്പം ഉണ്ടാകും. ഫെബ്രുവരി 25-ന് ഡൽഹിയിലും ഫെബ്രുവരി 26-ന് ബെംഗളൂരുവിലും അദ്ദേഹം സന്ദർശനം നടത്തും.
