കൊല്ലം: ചടയമംഗലത്ത് വാഹനാപകടത്തിൽ രണ്ട് വിദ്യാർത്ഥികൾ മരിച്ചു. പുനലൂർ സ്വദേശികളായ അഭിജിത്ത്(19), ശിഖ(20) എന്നിവരാണ് മരിച്ചത്. ചടയമംഗലം നെട്ടേത്തറ എം.സി റോഡിലാണ് അപപകടമുണ്ടായത്. രാവിലെ ഏഴരയോടെയായിരുന്നു സംഭവം. അമിതവേഗത്തിലെത്തിയ കെ എസ് ആർ ടി സി ബസ് വിദ്യാർത്ഥികൾ സഞ്ചരിച്ച ബൈക്കിനെ ഇടിച്ച് തെറിപ്പിക്കുകയായിരുന്നു
റോഡിൽ തലയിടിച്ച് വീണ ഇരുവരും തൽക്ഷണം മരിച്ചു.
കിളിമാനൂർ എഞ്ചിനിയറിംഗ് കോളേജിലെ രണ്ടാംവർഷ വിദ്യാർത്ഥിനിയാണ് ശിഖ. അഭിജിത് പത്തനംതിട്ട മുസ്ലിയാർ കോളജിലെ ബിബിഎ വിദ്യാർത്ഥിയാണ്.
അപകടത്തിന്റെ സിസിടിവി ദൃശ്യങ്ങൾ പുറത്ത് വന്നു.
പോലീസും ഫയർഫോഴ്സും സ്ഥലത്തെത്തിയാണ് ഇരുവരുടെയും മൃതദേഹം അപകടസ്ഥലത്തുനിന്ന് മാറ്റിയത്. ചടയമംഗലം പൊലീസ് ഇൻക്വസ്റ്റ് നടപടികൾ പൂർത്തിയാക്കി. മൃതദേഹം പോസ്റ്റുമോർട്ടത്തിനായി കടയ്ക്കൽ താലൂക്ക് ആശുപത്രിയിലേക്ക് മാറ്റിയിട്ടുണ്ട്. പോലീസ് കേസെടുത്ത് അന്വേഷണം ആരംഭിച്ചു.
