ഇലക്ട്രിക് മോട്ടോർസൈക്കിൾ എയ്റ അവതരിപ്പിച്ച് ഗുജറാത്ത് ആസ്ഥാനമായി പ്രവർത്തിക്കുന്ന ഇവി സ്റ്റാർട്ട്അപ്പ് കമ്പനി മാറ്റർ. 4000,5000,5000+,6000+ എന്നിങ്ങനെ നാല് വ്യത്യസ്തമായ ട്രിം ഓപ്ഷനുകളാണ് അവതരിപ്പിച്ചിരിക്കുന്നത്.
എയ്റ 5000 ന് 1,43,999 രൂപയും 5000+ ന് 1,53,999 രൂപയുമാണ് വില. ഇനി മൈലേജിന്റെ കാര്യത്തിലേക്ക് വരികയാണെങ്കിൽ ഒറ്റ ചാർജിംഗിൽ എയ്റയുടെ 6000+ വേരിയന്റിന് ലഭിക്കുക 150 കിലോമീറ്റർ ദൂരമാണ് താണ്ടാനാവുക. മറ്റെല്ലാ മോഡലുകൾക്കും 125 കിലോമീറ്റർ ദൂരം ലഭിക്കും. 5000, 5000+ എന്നീ വേരിയന്റുകൾ മാത്രമാണ് തുടക്കത്തിൽ പുറത്തിറക്കുക. മറ്റ് വേരിയന്റുകൾ പിന്നീടാകും പുറത്തിറക്കുക.
ഒരു നേക്കഡ് മോട്ടോർ സൈക്കിളായി പുറത്തിറങ്ങുന്ന ഈ ബൈക്കിന് നിരവധി ക്ലാസ് ലീഡിംഗ് ഫീച്ചറുകളാണ് ഉളളത്. ഇന്റേണൽ കംബസ്റ്റിയൻ എഞ്ചിനുകളിൽ പ്രവർത്തിക്കുന്ന ഈ മോട്ടോർ സൈക്കിൾ മാനുവൽ ട്രാൻസ്മിഷൻ ഉൾപ്പെടുത്തിയിട്ടുള്ള ഇന്ത്യയിലെ ആദ്യ ബൈക്കാണ്. 2023 ഓട്ടോ എക്സപോയിൽ വാഹനം പ്രദർശിപ്പിച്ചിരുന്നു. 4ജി കണക്ടിവിടിയിൽ അവതരിപ്പിച്ചിരിക്കുന്ന 7.0 ഇഞ്ച് ഫൂൾ ഡിജിറ്റൽ എൽസിഡിയും മറ്റ് ആകർഷകമായ പ്രീമിയം സവിശേഷതകളും പ്രദർശനവേളയിൽ ബൈക്കിനെ കൂടുതൽ ആകർഷകമാക്കി. റിമോട്ട് ലോക്ക്, അൺലോക്ക്, ജിയോഫെൻസിംഗ്, ലൈവ് ലൊക്കേഷൻ ട്രാക്കിംഗ് എന്നിങ്ങനെ നിരവധി സവിശേഷതകളാണ് ബൈക്കിനുള്ളത്.
ലിക്വിഡ് കൂൾഡ് മോട്ടോർ, മാനുവൽ ഗിയർബോക്സ്, ലിക്വിഡ് കൂൾഡ് ബാറ്ററി പാക്ക്, ത്രീ-പാൻ 5 ആംപ് ചാർജർ. ഡബിൾ ക്രാഡിൽ ചേസിൽ മറ്റ് ടെക്നോളികൾ എന്നിങ്ങനെ ഏഴ് വ്യത്യസ്ത രീതിയിലുള്ള സവിശേഷതകൾ ബൈക്കിനുണ്ടെന്ന് നിർമ്മാതാക്കൾ അറിയിച്ചു.
Comments