സ്വയം സംസാരിക്കുന്നവരെ കളിയാക്കാത്തവരായി ആരും തന്നെ ഉണ്ടാകാറില്ല. എന്നാൽ, സ്വയം സംസാരിക്കുന്നവർക്ക് ബുദ്ധിശക്തി കൂടുതലാണെന്നാണ് ഈ വിഷയത്തിൽ പഠനം നടത്തിയവർ പറയുന്നത്. ഇത്തരകാരുടെ ഐക്യു ലെവൽ ഉയർന്നിരിക്കുമെന്നാണ് നാഷണല് ലൈബ്രറി ഓഫ് മെഡിസിന്സിന്റെ മൈന്ഡ് ജേര്ണല് റിപ്പോര്ട്ട് ചെയ്യുന്നത്.
ഇത് കൂടാതെ സ്വയം സംസാരിക്കുന്നവർക്ക് എല്ലാ കാര്യങ്ങൾക്കും വ്യക്തമായ തീരുമാനങ്ങൾ എടുക്കാനും സാധിക്കും. നമ്മോട് തന്നെ സംസാരിക്കുന്നതിലൂടെ ഏകാഗ്രതയോടും വ്യക്തമായും ചിന്തിക്കാൻ കഴിയുന്നു. കൂടാതെ ഒരു ലക്ഷ്യ സ്ഥാനത്ത് എത്തുവാനും ഇവർക്ക് കഴിയുന്നു.
സ്വയം സംസാരിക്കുന്നതിലൂടെ നിങ്ങളുടെ ലക്ഷ്യങ്ങള്ക്കായി മികച്ച കാര്യങ്ങള് ആസൂത്രണം ചെയ്യാന് കഴിയുമെന്നാണ് വിദഗ്ദരുടെ അഭിപ്രായം. ലക്ഷ്യസ്ഥാനത്തേക്ക് എത്തുന്നതിനായി എങ്ങനെ പ്രവര്ത്തിക്കണം എന്നും സ്വയം സംസാരിക്കുന്നതിലൂടെ മനസിലാക്കാൻ സാധിക്കും. പരാജയത്തിൽ നിന്നും വിജയത്തിലേക്ക് എത്തുവാനും ഇത്തരകാർക്ക് കഴിയുമെന്നാണ് പഠനങ്ങളിൽ നിന്നും മനസിലാക്കുന്നത്.
നിങ്ങളുടെ ചിന്തകളാണ് നിങ്ങളുടെ വികാരങ്ങളുടെയും മനോനിലയുടെയും ഉറവിടം. നിങ്ങൾ നിങ്ങളെ കുറിച്ച് എന്ത് മനസ്സിലാക്കിയിരിക്കുന്നു, ജീവിതത്തിലെ പ്രശ്നങ്ങളോട് നിങ്ങൾ എങ്ങനെ പ്രതികരിക്കുന്നു, എന്നുള്ള കാര്യങ്ങളെ എല്ലാം ഇത് അടിസ്ഥാനപരമായി സ്വാധീനിക്കുന്നു.
Comments