ന്യൂഡൽഹി: രാജ്യത്തെ ഒരുകോടി കർഷകർക്ക് നെല്ല് സംഭരണത്തിൽ നിന്ന് ഫലവത്തായ പ്രയോജനം ലഭിച്ചതായി ഭക്ഷ്യ മന്ത്രാലയം അറിയിച്ചു. ഈ വർഷം മാർച്ച് ഒന്ന് വരെ സംഭരിച്ച 713 എംടി നെല്ലിൽ നിന്ന് 1,46,960 കോടി രൂപ കർഷകരുടെ അക്കൗണ്ടുകളിലേക്ക് നേരിട്ട് എത്തിച്ചു. നിലവിൽ നെല്ല് സംഭരണത്തിനായി എല്ലാവിധ സജീകരണങ്ങളുമുണ്ടെന്നും ഭക്ഷ്യ പൊതുവിതരണ മന്ത്രാലയം അറിയിച്ചു.
713 എംടി നെല്ല് സംഭരണത്തിൽ നിന്ന് 246 എംടി അരി ലഭിച്ചതായി സെൻട്രൽ പൂൾ വ്യക്തമാക്കി. രാജ്യത്ത് ആവശ്യമായ തോതിൽ അരിയുടെ ശേഖരം സെൻട്രൽ പൂളിൽ ലഭ്യമാണ്. സംഭരിച്ച നെല്ലിന്റെ അടിസ്ഥാനത്തിൽ വിതരണം പുരോഗമിച്ചുകൊണ്ടിരിക്കുകയാണെന്നും ഭക്ഷ്യ മന്ത്രാലയം ഔദ്യോഗിക പ്രസ്താവനയിൽ വ്യക്തമാക്കി.
