മുംബൈ: സ്വകാര്യ ബാങ്കിലെ ഉപഭോക്താക്കൾക്ക് വെറും മൂന്ന് ദിവസം കൊണ്ട് നഷ്ടപ്പെട്ടത് ലക്ഷങ്ങളെന്ന് പരാതി. മൊബൈലിലേക്ക് മെസേജ് വന്ന ലിങ്കിൽ ക്ലിക്ക് ചെയ്തതിന് പിന്നാലെയാണ് നാൽപതോളം വരുന്ന കസ്റ്റമേഴ്സിന് പണം നഷ്ടപ്പെട്ടത്. മുംബൈയിലാണ് സംഭവം.
കെവൈസിയും പാൻകാർഡ് വിശദാംശങ്ങളും അപ്ഡേറ്റ് ചെയ്യണമെന്ന് ആവശ്യപ്പെട്ട് വന്ന മേസേജിലെ ലിങ്കിലായിരുന്നു കസ്റ്റമേഴ്സ് ക്ലിക്ക് ചെയ്തതെന്ന് പരാതിയിൽ പറയുന്നു. ഉപഭോക്താക്കളുടെ ഐഡന്റി വേരിഫൈ ചെയ്യുന്നതിന് ബാങ്ക് നിർബന്ധമായും ആവശ്യപ്പെടുന്ന ഒന്നാണ് കെവൈസി. ഈ സാഹചര്യത്തിലാണ് മെസേജ് വ്യാജമാണെന്ന് തിരിച്ചറിയാതെ കസ്റ്റമേഴ്സ് ലിങ്കിൽ ക്ലിക്ക് ചെയ്തത്.
ഇത്തരത്തിൽ ഫോണിലേക്ക് എത്തുന്ന മെസേജിൽ ആരും തന്നെ ക്ലിക്ക് ചെയ്യരുതെന്നും എന്ത് സംശയമുണ്ടെങ്കിലും ബാങ്കുമായി ബന്ധപ്പെടണമെന്നും ബാങ്ക് അധികൃതർ വ്യക്തമാക്കി. ടെലിവിഷൻ ആക്ടർ ശ്വേത മേനോൻ ഉൾപ്പെടെയുള്ളവർ തട്ടിപ്പിന്റെ ഭാഗമായിരുന്നു. തട്ടിപ്പിലൂടെ നഷ്ടപ്പെട്ട പണം തിരികെ കിട്ടാൻ പ്രയാസമാണെന്ന് പോലീസ് അറിയിച്ചു.
