ഉർവശിയുടെ ഹാസ്യ കഥാപാത്രങ്ങൾ ആസ്വദിക്കാത്ത മലയാളികളുണ്ടാവില്ല. ഏറെ നാളത്തെ കാത്തിരിപ്പിന് വിരാമമിട്ടുകൊണ്ട് ഉർവശിയുടെ ഹാസ്യ ചിത്രം ആരാധകർക്കു മുന്നിലെത്തും. താരം ഹാസ്യ കഥാപാത്രമായി അവതിരിക്കുന്ന ‘ചാൾസ് എന്റർപ്രൈസ്’ എന്ന ചിത്രത്തിന്റെ ടീസർ പുറത്തിറങ്ങി. ജോയ് മ്യൂസിക് യൂട്യൂബ് ചാനലിലൂടെയാണ് ടീസർ പുറത്തിറങ്ങിയത്. നവാഗതനായ സുഭാഷ് ലളിത സുബ്രഹ്മണ്യന്റെ സംവിധാനത്തിലും തിരക്കഥയിലും ഒരുങ്ങുന്ന ചിത്രമാണിത്.
ഒട്ടേറെ നർമ്മ മൂഹൂർത്തങ്ങൾ കോർത്തിണക്കിയ ഒരു ഫാമിലി സറ്റയർ ഡ്രാമയാണ് ചിത്രം എന്ന തരത്തിലുള്ള സൂചനകളാണ് ടീസറിൽ നിന്ന് ലഭിക്കുന്നത്. പാ രഞ്ജിത്ത് സിനിമകളുടെ ശ്രദ്ധേയനായ കലൈയരസനും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. കലൈയരസന്റ ആദ്യ മലയാള ചിത്രമെന്ന പ്രത്യേകതയും ചിത്രത്തിനുണ്ട്. ബാലു വർഗീസ്, ഗുരു സോമസുന്ദരം, കലൈയരസൻ, അഭിജ ശിവകല, സുജിത് ശങ്കർ, അൻസൽ പള്ളുരുത്തി, സുധീർ പറവൂർ, മണികണ്ഠൻ ആചാരി, മാസ്റ്റർ വസിഷ്ട്ട്, ഭാനു, മൃദുല, ഗീതി സംഗീതി, സിജി പ്രദീപ്, അജിഷ, ആനന്ദ്ബാൽ എന്നിവരും ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നുണ്ട്.
ഡോ. അജിത് ജോയ്, അച്ചു വിജയൻ കൂട്ടുകെട്ടിൽ നിർമ്മിക്കുന്ന ചിത്രമാണ് ചാൾസ് എന്റർപ്രൈസ്. ഗാനരചന നിർവ്വഹിച്ചിരിക്കുന്നത് അൻവർ അലി, ഇമ്പാച്ചി, നാച്ചി, സംഗീത ചേനംപുല്ലി എന്നിവരാണ്. സംഗീതം സുബ്രഹ്മണ്യൻ കെ വി കലാസംവിധാനം മനു ജഗദ് എന്നിവരാണ് നിർവഹിക്കുന്നത്. പശ്ചാത്തല സംഗീതം അശോക് പൊന്നപ്പൻ, പിആർഒ വൈശാഖ് സി വടക്കേവീട്, വസ്ത്രാലങ്കാരം അരവിന്ദ് കെ ആർ, മേക്കപ്പ് സുരേഷും നിർവഹിക്കും. ചിത്രം ജോയ് മൂവി പ്രൊഡക്ഷൻസ് ഏപ്രിൽ എട്ടിന് പ്രദർശനത്തിനെത്തുമെന്നാണ് അണിയറ പ്രവർത്തകർ അറിയിച്ചിരിക്കുന്നത്.
