ന്യൂഡൽഹി : മദ്യനയകുംഭകോണ കേസിൽ അറസ്റ്റിലായ ഡൽഹി മുൻ ഉപമുഖ്യമന്ത്രി മനീഷ് സിസോദിയയുടെ ജുഡീഷ്യൽ കസ്റ്റഡി കാലാവധി നീട്ടി. റൂസ് അവന്യൂ കോടതി മാർച്ച് 20 വരെയാണ് ജുഡീഷ്യൽ കസ്റ്റഡിയിൽ വിട്ടിരിക്കുന്നത്. സിബിഐ കസ്റ്റഡി കാലാവധി അവസാനിച്ചതിനെ തുടർന്നാണ് സിസോദിയയെ കോടതിയിൽ ഹാജരാക്കിയത്.
മാർച്ച് 4-ന് സിബിഐ ആവശ്യപ്പെട്ടതിനെ തുടർന്ന് റൂസ് അവന്യൂ കോടതി സിസോദിയയുടെ കസ്റ്റഡി മാർച്ച്-6 വരെ നീയിരുന്നു. സർക്കാരിന്റെ മദ്യനയം രൂപീകരിക്കുന്നതിലും നടപ്പാക്കുന്നതിലും ക്രമക്കേടുകൾ കണ്ടെത്തിയത്തിയതിനെ തുടർന്നാണ് അന്വേഷണ സംഘം സിസോദിയയെ അറസ്റ്റ് ചെയ്തത്.
മദ്യനയ കേസിൽ അറസ്റ്റിലായ മറ്റ് പ്രതികൾക്ക് നേരത്തെ ജാമ്യം ലഭിച്ചിരുന്നു. കേസിനോടനുബന്ധിച്ചുള്ള സിബിഐയുടെ ചോദ്യം ചെയ്യലിൽ കൃത്യമായ ഉത്തരം നൽകാൻ സിസോദിയയ്ക്ക് സാധിക്കാത്തതിനെ തുടർന്നാണ് സിസോദിയയെ അറസ്റ്റ് ചെയ്തത്. അറസ്റ്റിനെ തുടർന്ന് ഫെബ്രുവരി 28-ന് ഡൽഹി ഉപമുഖ്യമന്ത്രി സ്ഥാനം സിസോദിയ രാജിവച്ചിരുന്നു.
Comments